Listat e kandidatëve për deputetë/ Yuri Kim në Elbasan takim me Ballën dhe Bardhin! Kryemadhi: Folëm për fushatën elektorale

Pasi ka takuar Taulant Ballën, Gazment Bardhin, Monika Kryemadhi, ambasadorja e SHBA-së, ka zhilluar një takim edhe me deputeten Rudina Hajdari.

Kryetarja e LSI-së, në përfundim të takimit me ambasadoren e SHBA-së, Yuri Kim tha se u diskutua për fushatën elektorale, e ndërsa tha se LSI synon që në qarkun e Elbasanit të marrë 4 mandate.

"Diskutuam për fushatën elektorale në të gjithë qarkun e Elbasant, ku ajo që ne diskutojmë ka rëndësi që t'i krijojmë shanse të gjithëve që të votojmë, të mos u ushtrohet presion qytetarëve dhe administratës për votën. Kryeprokurori i Elbasanit në konflikt interesi, vëllai i tij i 3-ti në listën e PS. Elbasani është qyteti më elitar sa i përket intelektualëve, forcës së gruas dhe rinisë, lista fituese e LSI i jep një shans të jashtëzakonshëm grave dhe vajzave për të qenë. Sa deputetë do marrim? Do luftojmë për të 4-tin, Rama ka Taluantin të 8 kështu që mos kini merak", tha Kryemadhi.

Deputetja e opozitës së re, Rudina Hajdari dhe njëkohësisht e para në listë për Elbasanin të "Nismës Thurje" është detyruar të kthehet pas. Kjo për shka se ambasadorja e SHBA-së, Yuri Kim nuk kishte përfunduar takimin me kryetaren e LSI-së, Monika Kryemadhin. Kim dhe Hajdari do të konsumojnë së bashku drekë.

Kryetarja e LSI-së, Monika Kryemadhi ka mbërritur në Elbasan ku pritet që takohet më ambasadoren Yuri Kim. Ajo është shprehur se ky takim është "thjesht një kafe".

" Gjithë kjo pritje madhështore, (u drejtohet gazetarëve) mirë do ishte që të filmonit këta njerëzit që nuk kanë bukë të hanë, që i ka mbytur në taksa Edi Rama, sesa të na filmonit ne që hymë kafe në pushim. Po të kisha takim e bëja në Tiranë në zyrë. Pse Elbasani? Ka nevojë për pushim ambasadorja", tha Kryemadhi.

Përfundon takimi i ambasadores së SHBA-së, Yuri Kim me drejtuesin politik në PD Gazment Bardhin.