X

POP 5

Lajmet më të lexuara të 5 minutave të fundit

'Amplitudë', e Mand Xhikës me 30 piktura, meditim dhe surrealizm nga Irlanda në Pogradec

“Amplitudë” është ekspozita me 30 punime në pikturë në Galerinë e Arteve të  Pogradecit nga piktori Mand Xhika. Në vaj dhe akuarel, veprat janë finalizim i një pune shumëvjeçare të piktorit që ka nisur në Irlandë dhe u mirëpritën nga publiku pogradecar.

Meditim në hapësirë dhe surrealizëm, është ajo që ofron ekspozita “Amplitudë” çelur për herë të parë në Galerinë e Arteve të Pogradecit nga piktori Mand Xhika.

Në vaj dhe akuarel 30 veprat në pikturë janë realizim i një punë shumëvjeçare të Xhikës, prezantuar për publikun pogradecar nën kurimin e piktores Meri File.

“Është një ndjesi e jashtëzakonshme që rrallë herë mund ta gjesh. Nuk e di nuk e kam përjetuar ndonjëherë. Është ekspozita ime e parë. Kam punuar shumë për këtë ekspozitë nga ana kurateriale, shpirtërore e teknikave etj", shprehet piktori Mand Xhika.

Nga SHBA , Ermira Babaliu ndodhet në Pogradec për ti përjetuar bashkë me piktorin, vellain, emocionet e ekspozitës

“Jam shumë e lumtur për Mandin. Ai ka shumë vjet që po punon dhe ka kohë që do doja ta hapja këtë ekspozitë. E kam patur këtë dëshirë timen. Ja ku më në fund u arrit kjo gjë”, thotë këngëtarja Ermira Babaliu.

Aktorin Anastas Kostandini (Taso) i vlerëson veprat e Xhikës si një dimension i ri i artit pamor, duke provokuar pozitivisht publikun përmes teknikave të veçanta

 “Më ka befasuar statura, niveli i pikturës së tij. Pjesa e akuareleve mendoj që janë shumë elegante dhe kanë një karakter virtuoz, kanë shumë mjeshtri, një lloj ëndërrimi mbi natyrën", shprehet piktori Anastas Kostandini (Taso).

Prej vitesh në emigracion piktori Mand Xhika e ka zhvilluar krijimtarinë e tij, në Irlandë për ta finalizuar punën me ekspozitën “Amplitudë” në qytetin e lindjes, në Pogradec.

S.C/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord me përjashtimin e policëve që kanë përdorur Sky apo Encro Chat?

Lajme të tjera



×

Lajmi i fundit

VIDEO/ Zbulohet baza e grupeve kriminale në Fushë Kuqe të Lezhës! Sekuestrohen eksplozivë, veshje kamuflazhi, targa e motorë të vjedhur! Pranga pronarit të banesës

VIDEO/ Zbulohet baza e grupeve kriminale në Fushë Kuqe të Lezhës! Sekuestrohen eksplozivë, veshje kamuflazhi, targa e motorë të vjedhur! Pranga pronarit të banesës

5 Dhjetor, 10:17