Kjo është shifër optimiste e bërë me dije gjatë një takimi që kryeministri Edi Rama ka pasur pasditen e djeshme me të gjithë kandidatët për deputet të Partisë Socialiste si dhe grupin parlamentar aktual në kryeqytet. Sipas raportimeve në këtë mbledhje, mësohet se Tahiri është shprehur për një shifër prej 17 deputetësh në kryeqytet, ndërsa Vangjush Dako ka thënë se në Durrës “6 mandate janë dështim, 7 detyrë dhe 8 fitore”, duke lënë të kuptohet se pritshmëria në këtë qark është për 8 mandate.
Në Vlorë Gjiknuri ka parashikuar 7 mandate, ndërsa Klosi në Berat 4 të tilla. Lindita Nikolla parashikon të marrë 4 deputetë në Lezhë, ndërsa Ditmir Bushati në Shkodër po kaq. Mimi Kodheli parashikon të marrë 2 mandate në Kukës, ndërsa Ilir Beqja në Dibër parashikon 3 mandate. Taulant Balla është shprehur optimist për 7 deputetë në Elbasan, ndërsa po kaq pret të marrë dhe Niko Peleshi në Korçë.
Gramoz Ruçi është shprehur se në Fier do të marrë 9 mandate, ndërsa Çuçi në Gjirokastër, 3 të tilla. Burime nga mbledhja bëjnë me dije për “Shqiptarja.com” se Rama u ka thënë deputetëve se qëllimi kryesor është sigurimi i 71 mandateve, e vetme, ashtu si kurse ka deklaruar edhe më herët në daljet e tij publike. Ai u ka kërkuar të gjithë kandidatëve të nisin menjëherë punën në terren. “Shkoni derë me derë, mos lini njeri pa takuar. Shpjegoni marrëveshjen dhe fitoren tonë për vettingun. Duhet të punojmë me këmbëngulje për çdo votë.
Duhet të marrim minimalisht ato që morëm në vitin 2013. Duhet punë për vete natë e ditë në terren. Zgjedhjet do të certifikon tashme dhe do të kemi të hapur rrugën për integrimin, duke shtuar dhe reformën për drejtësinë”,-mësohet të ketë thënë Edi Rama. Për sa i përket marrëveshjes së dy ditëve më parë, Rama është shprehur se nëse do të hynin në zgjedhje pa opozitën, atëherë nuk do të kishin mundësi për të qeverisur për një mandatë të plotë.
“Dialogu me opozitën do të vijojë edhe pas zgjedhjeve. Marrëveshja me PD ishte zgjedhja më e mirë për PS. Të vetëm ne nuk do të qeverisnim gjatë, pavarësisht se e kishim të sigurt fitoren”,-mësohet të ketë thënë Rama. Ai ka rikonfirmuar se komunikimi me opozitën do të vazhdojë edhe pas zgjedhjeve, pasi sipas tij në këtë mënyrë do të bëhej i mundur miratimi i disa prej Reformave më të rëndësishme për vendit, miratimi i së cilave do t'i hapte rrugë Shqipërisë për integrimin në BE. “Mos u shqetësoni për ndryshimet në qeveri. Ministrat teknikë do të qëndrojnë vetëm një muaj, deri ditën e zgjedhjeve. Ministrat do të jenë vetëm monitorues dhe vëzhgues. Nuk do të ketë asnjë shkarkim dhe raprezalie tek administrata. Mos u shqetësoni”,-mësohet të jetë shprehur Rama.
Në mbledhjen e djeshme, Rama ka komentuar edhe mos arritjen e një koalicioni parazgjedhor me Partinë e LSI. "I lutëm për koalicion që në tetor. Jo sot, jo nesër, nuk deshën. Jemi në të drejtën tonë për të ecur për para dhe nuk i kemi dalë nga fjala askujt”, ka thënë Rama. Përveç kandidatëve për deputetë, i pranishëm është edhe i gjithë grupi parlamentar i PS, duke qenë se të hënën pritet të mblidhet parlamenti në një seancë të jashtëzakonshme për të miratuar disa ndryshime ligjore që do të bëjnë të mundur implementimin e marrëveshjes që u arrit para tre ditësh mes Ramës dhe Bashës.
Projeksionet e PS
Tiranë 17
Vlorë 7
Berat 4
Lezhë 4
Shkodër 4
Kukës 2
Dibër 3
Elbasan 7
Korçë 7
Fier 9
Durrës 8
Gjirokastër 3
Gjithsej 75
Redaksia Online
B.B/Shqiptarja.com
Lajme të tjera
-
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20 -
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24 -
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27 -
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39 -
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13 -
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53 -
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
