ANALIZA: Misteri i një 'rotacioni' me shumë enigma brenda dhe kush është krye-komandanti

ANALIZA: Misteri i një 'rotacioni' me shumë enigma brenda dhe kush është krye-komandanti

Sali Berisha, Monika Kryemadhi dhe Lulzim Basha

Përveç opinionit publik, ajo që quhet si rotacion apo vullnet për ndryshim, është një mister i madh edhe për vetë njerëzit që përbëjnë  “ansamblin amator të opozitës”.

Lulzim Basha, i cili është vetë-ofruar për kryeministër të vendit, nëse opozita që drejton ai do të fitojë zgjedhjet, ende nuk e di kush do të jetë ekipi që do të qeverisë.

Pasi nuk di ende se kush do të jetë skuadra që drejton qarqet dhe deputetët që do të çojë në betejën e 25 prillit.

Lulzim Basha ende nuk di se kush është sfidanti i vërtet i Edi Ramës në opozitën e tij, ai vetë, Sali Berisha, apo Ilir Meta?

Kjo, sepse përveç Bashës, edhe Sali Berisha e ka cilësuar publikisht betejë kandidimin e tij dhe jo karrierë; betejë për të mundur Edi Ramën.

Pas Berishës, edhe Ilir Meta e quan si “betejë titanike” mundjen e “regjimit të Ramës”, duke e konsideruar si bast personal.

Pra misteri primar është ai i lidershipit: kush është kreu apo kryekomandanti i ushtrisë që do të mundë Edi Ramën?

Në 2013, ushtria e Edi Ramës ishte e qartë kishte dy gjeneralë: ai dhe Ilir Meta përballë Berishës dhe njerëzit e dinin se kë kishin përballë; që do të kishte një qeverisje të PS dhe LSI-së, që firmosën një marrëveshje aleance në prani të krerëve të Partisë Socialiste Europiane në Shkodër.

Sot dihet, brenda grupit anti-Rama që është laraman, pra atij në selinë e PD-së, ku qeveris Basha, atij të lobit Berisha dhe familjes së tij, atij të grupit Meta dhe LSI-së, si dhe grupit të tij mediatik, por edhe aleatëve të PD-së e mbështetësve të tyre, se qëllimi është të rrëzohet Edi Rama.

Po askush nuk e di se ç’do të ndodhë në të ardhmen, pasi askush nuk e di ç’do të ndodhë sot.

Ka vetëm parashikime fataliste: Mediu ka thënë se do i kthehet jetës private nëse Rama merr mandatin e tretë, Agron Duka do të mbyllë politikën dhe Nard Ndoka ka thënë se nuk do t’ja shohë më bojën partive dhe zgjedhjeve.

Dule, Idrizi dhe Mesila Doda nuk janë shprehur ende në këtë rast.

Po Meta dhe Berisha çfarë do të bëjnë nëse humbin? S’e kanë thënë, përkundrazi kanë thënë që do të bëjnë gjëmën nëse nuk fitojnë.

Po prapë është enigmë se cili do të jetë roli i tyre nëse Basha arrin të bëhet kryeministër.

Meta ka hapur lajme se do të jetë ministër i Brendshëm, ndërsa vetë Basha as e ka mohuar dhe as e ka pohuar këtë mundësi.

Pra jemi në një ekuacion me të panjohura të shumta, kur gjëja më e qartë në këtë panoramë do të jetë jo thjesht se kush do të jenë ministrat e Bashës (edhe nëse dihet kjo gjë është krejt normale), por cili do të jetë konfiguracioni politik i kësaj opozite që kërkon rotacion politik.

Kush e kërkon rrëzimin e Edi Ramës kjo dihet, pasi bëhet fjalë për një aradhë të gjatë eksponentësh dhe qarqesh politike dhe jo vetëm.

Por kush do ta marrë pushtetin nëse Rama largohet, kjo ende nuk dihet, ose më mirë ka një drojë të madhe apo enigmë të shpegohet.

Vetë Rama, Erion Veliaj, por edhe eksponentë të tjerë të mazhorancës, kanë deklaruar shpesh se alternative e rotacionit është Berisha, Meta, Kryemadhi, Basha, Mediu, Ndoka, Idrizi etj.

Kjo fabul në fakt nuk është përgënjeshtruar nga vetë lidershipi i opozitës, qëi duke e sulmuar kryeministrin rreken të shpjegojnë se edhe nëse kjo është e vërtetë kjo fabul, është më e mirë sesa Rama.

Në fakt, kjo është edhe dilema reale e 25 prillit, madje ajo hamletjane: është apo nuk është Basha kryemjeshtri i rotacionit apo ka të tjerë pas tij…./ Marrë nga Tema

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Prognoze: 04/01/2021 22:00

    Basha e ka projektiar kabinetin e tij mbas 25 prillit. Vete Karminister Minister kultures i gjuhes dhe lekskiut Paloqen. Minister i rendit per gomeret e mushkat Flamur Noken Ministre per seksin e prostitucionit Grida Sumen..Minister Ceshtje sociale per shtresa vunerabel e LGBT Gaz Bardhin. Minister Mbrojtjesi bombave gje gjyleve Mediu.. Minister i bujq. I misrit panxharit Dule Malavita, Minidter i jashtem qirje Dule natyrisht Minister finance Ilir Bllokun dhe Ministre Industrise peshkimit ngjalave gjarperinjve Monoken..... hej sa shume ka ne liste

    Përgjigju
  • Berisha: 04/01/2021 20:58

    Te gjithe serb jane keta qe shihni ne foto

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite