TIRANE - Në datë 22 korrik socialistët do të mbledhin Asamblenë Kombëtare. Data është vendosur në mbledhjen e sotme të Kryesisë së PS-së që u zhvillua në orën 10:00, ndërsa u drejtua nga kryeministri Rama. Pas mbledhjes së kryesisë së PS-së në një prononcim për gazetarët, kryeministri tha se nuk do të ketë ndryshime në qeveri, pasi detyrat janë bërë. "Nuk ka ndryshime në qeveri, janë fantazi që burojnë edhe nga temperaturat e larta. Kam thënë që janë një sërë detyrash për t'u bërë dhe janë bërë" tha ai.
Kreu i qeverisë iu përgjigj edhe interesimit të mediave për mesazhin e bërë publik nga Presidenti Meta mes tij dhe Kryeministrit, duke theksuar se mazhoranca nuk ka pasur asnjë plan për të eliminuar opozitën, sepse ajo "është në kapacitete të plota për t'u vetëeliminuar", siç Rama u shpreh.
"Procesi i degradimit vijon në një rrugë që e kanë zgjedhur vet qorrazi. Ajo që është e rëndësishme për ne është t'i qëndrojmë besnik të gjithëve, edhe atyre që u votuam edhe ata që nuk na votuan", the kryesocialisti. Ka një emër për president konsensual? Rama tha se kjo nuk është në rendin e ditës. "Lëvizja e radhës është procesi që ka filluar në parlament për shkarkimin, pastaj do të flasim për lëvizjen tjetër", tha kryeministri.
Në shtator, Rama tha se do të ketë zgjedhje brenda Partisë Socialiste ku do të zgjidhen forumet e reja. I pyetur se sa i shqetësuar është nga fakti se disa gjyqtarë dhe prokurorë që nuk e kanë kaluar vettingun e kanë çuar çështjen në gjykatën e Strasburgut, Rama u tha 'S’kam asnjë shqetësim, është e drejta e tyre. Reforma në Drejtësi është kali i betejës, së kësaj shumice qeverisëse dhe për sa kohë ajo vazhdon të zbatohet në harmoni të plotë me objektivat e bashkëvendosura, me partnerët tanë, SHBA dhe BE të tjerat janë aspekte dytësore të një procesi që ecën dhe që nuk ndalet më”.
Partia Socialiste fitoi 61 bashkitë në zgjedhjet lokale të 30 qershorit, të cilat nuk njihen nga Presidenti dhe opozita që i bojkotoi, por morën certifikimin e ndërkombëtarëve që kërkuan që kryetarët e rinj të nisin punën pa humbur kohë.
Shumica vijon me procesin e shkarkimit të kreut të shtetit, pasi e akuzon Ilir Metën se ka shkelur Kushtetutën me dekretin për të anuluar zgjedhjet lokale të 30 Qershorit. Por a ka PS-ja një emër që do të pasojë Ilir Metën nëse do të shkarkohet? "Kur të përfundojë procesi do të kemi kohë që të flasim" tha Rama.
I pyetur nëse në mbledhjen e asamblesë së PS-së ishte diskutuar për opozitën, Rama tha se "E kam thënë që ata do të ndëshkohen nga vetëpërjashtimi dhe në procesin e vetëvrasjes do të bërtasin fitore dhe po bërtasin fitore dhe të tilla paçin gjithmonë, unë ua uroj, por ajo që mbetet është rezultati i sovranit".
Por a ka qenë një plan i kryeministrit eliminimi i opozitës sikur deklaroi Presidenti Meta pak javë më parë në mesazhin që i kishte dërguar sipas tij Rama?
"Për fat të keq të atyre që ende e besojnë këtë opozitë nuk ka nevojë për plane për të eliminuar opozitën, pasi opozita është në kapacitete të plotë për t'u vetëeliminuar dhe procesi i degradimit vijon në një rrugë që e kanë zgjedhur vetë dhe qorrazi dhe cdo ditë hedhin nga një hap.
E rëndësishme është që t'u qëndrojmë besnikë të gjithëve, atyre që na votuan apo jo dhe këto histori që 7x7 bëjnë 42 t'ua lëmë atyre" tha ai.
Pas asamblesë në fund të korrikut, në shtator Partia Socialiste do të futet në proces zgjedhor brenda partisë për të gjitha strukturat dhe forumet. "Po ndërtojmë rrugën për fitoren e radhës në 2021. Në shtator do të hyjmë në proces zgjedhor në PS, pas asamblesë do të flasim më shumë, të gjitha organizatat, forumet dhe kryesia do të rizgjidhen. Sot kemi bërë një diskutim mbi gjithë pasqyrën e 30 Qershorit.
Kemi parë me kujdes cdo qark, cdo bashki, kemi diskutuar po ashtu për mbledhjen e asamblesë kombëtare ku sigurisht do të flasim për cka është bërë dhe atë që do të bëjmë në vijim pas pushimeve dhe gjëja më e rëndësishme është që kemi hapur një diskutim për ta cuar në një nivel tjetër organizimin e PS-së në funksion të marrëdhënieve më të afërta, më të hapura dhe më efektive me cdo komunitet në funksion të harmonizimit të linjës sonë politike me mirëfunksionimin e bashkive dhe padiskutim në funksion të një qëndrimi të qartë që e kemi mbajtur edhe gjatë fushatës në cdo bashki që deri dje është qeverisur nga e djathta për të ndërtuar një proces solid në raport me administratën për të mos shfaqur asnjë tendencë tradicionale prej pushtuesish në këto bashki për të respektuar të gjithë ata që sot punojnë në këto bashki, për të mos prekur asnjë grua apo vajzë në radhë të parë që figuron në administratën bashkiake dhe për të pasur transparencë për të gjitha lëvizjet që mund të jenë të nevojshme. Jo në funksion të diskriminimit politik apo larg qoftë pastrimit politik por meritës" tha ai.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
O Edi Palla vëre President fatmir jevgjit mediun se ai i ka duart me gjak e e meriton për president.
PërgjigjuSi gjithmone i shaknavitur dhe nen INFLUENCEN e qetesuesve nga vapa RAMA PERPARA GAZETAREVE NE INTERVISTE DUKE HARRUAR ATO QE KA THENE PARA NJE JAVE PROTESTA ESHTE RRUGA E VETME PER LARGIMIN E PUTINIT DHE E RAMES NE RUSI DHE NE SHQIPERI
Përgjigju