POP 5

Lajmet më të lexuara të 5 minutave të fundit

Arkiva

Anëtarët e KQZ: S'kemi lexuar raportin
Gjiknuri: Nuk ka garë të ndershme

2 anëtarët e Komisionit Qendror të Zgjedhjeve janë shprehur dje pse nuk e kanë lexuar raportin e parë të publikuar nga misioni i vëzhguesve të ODIHR, i cili në 90% të tij fliste për KQZ.
TIRANE - 2 anëtarët e Komisionit Qendror të Zgjedhjeve janë shprehur dje pse nuk e kanë lexuar raportin e parë të publikuar nga misioni i vëzhguesve të ODIHR, i cili në 90% të tij fliste për KQZ.

Të kontaktuar nga gazeta Shqiptarja.com anëtarët Hysen Osmanaj si dhe Klement Zguri janë shprehur se nuk e kanë lexuar këtë raport, i cili doli në orën 18:00 të ditës së premte.

“Nuk e kam lexuar ende raportin”, ka qënë përgjigja që është kthyer nga secili në lidhje me këtë raport. Lidhur me kritikat e raportit mbi KQZ, qeverinë si dhe fushatën zgjedhore, në një reagim të tij, deputeti socialist dhe njëherësh bashkëhartuesi i Kodit të ri Zgjedhor, Damian Gjiknuri shprehet se në të vërtetë ky raport konsistonte në të gjitha shqetësimet që ka ngritur PS lidhur me realizimin e porcesit parazgjedhor si dhe vendimet që po merr KQZ.

“ODIHR konstaton ato që i ka konstatuar me kohë Partia Socialiste që janë: KQZ jo funksionale, që nuk përmbush detyrat sipas ligjit sepse nuk është e plotë si dhe përdorimi i shtetit në funksionin të zgjedhjeve. Mund të them se ka një garë të pabarabartë, gara mes partisë dhe shtetit.

Të gjitha shqetësimet tona gjejnë reflektim te raporti i ODIHR. Raporti konfirmon se në Shqipëri nuk ka garë të barabartë dhe këtu shkelet ligji zgjedhor në mes të ditës”, u shpreh Gjiknuri.

Ndërkohë që në raportin prej 11 faqesh theksohet se "KQZ aktualisht funksionon me 4 anëtarë dhe kjo situatë nuk është e ligjshme, ndërkohë që kuadri ligjor duhet të zbatohet dhe të respektohet nga palët dhe kjo pengon institucionin të administrojë zgjedhjet në përputhje me ligjin”.

Kritika janë evidentuar edhe mbi aktivitetin e qeverisë, të cilën kryeministri po e përdor për fushatë të PD.

Shkrimi u botua sot në gazetën Shqiptarja.com (print) 09.06.2013
 
Redaksia online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03