POP 5

Lajmet më të lexuara të 5 minutave të fundit

Politikë

Anëtari i grupit negociator me Athinën: Po grekët pse nuk tremben që ne nuk kemi vajtur në Korfuz?

Shqipëria është zgjeruar me 12 milje, gjë që po e bën edhe Greqia tani, sipas konventave ndërkombëtare.

Anëtari i grupit negociator me Athinën: Po grekët pse nuk tremben që ne nuk kemi vajtur në Korfuz?

Artur Mecollari

TIRANE-Artur Mecollari, ish-zëvendës komandanti i Forcave Detare, pjesë e grupit të punës që po negocion cështjet e vjetra mes Shqipërisë dhe Greqisë, kryesorja vija delimituese e kufirit detar ka reaguar pas debatit që po zhvillohet në Tiranë lidhur me deklaratën e kryeministrit grek se Athina do të zgjerohet me 12 milje në Jon. Ai thotë se Shqipëria është zgjeruar me 12 milje, gjë që po e bën edhe Greqia tani, sipas konventave ndërkombëtare.

"Nje interpretim per zgjerimin e detit territorial te Greqise dhe nenin 15 te UNCLOS 1982. Ne trembemi se me zgjerimin e detit teritorial te Greqise ne 12 milje detare ujrat greke vijne deri ne Himare. Po greket pse nuk tremben qe ne e kemi detin territorial 12 milje detare dhe nuk kemi vajtur ne Korfuz?

Cili eshte kuptimi i nenit 15.

1) zgjerimi i detit territorial nuk mund te shtrihet pertej vijes delimituese dhe jo nuk mund te zgjerohen nga shteti bregdetar nese nuk ka nje vije delimituese. Shprehja "pervec rastit kur ka nje marreveshje midis tyre", ka kuptimin qe deti territorial mund te shtrihet pertej vijes delimituese nese shteti fqinje ta lejon nje gje te tille me marreveshje. Pra te jep det territorial nga deti i tij me marreveshje.

Le te marrim rastin konkret. Ne vitin 2008, Shqiperia shfuqizoj gjeresine e detit territorial 12 milje, e cila nenkupton ZERO, nese nuk e ke te deklaruar. Ne vitin 2012 rikthyem me ligj gjeresine e detit territotial 12 milje detare, por nuk i morrem asgje Greqise, pasi zgjerimi i detit territorial behet brenda vijes delimituese ne drejtim te detit nderkombetar. Mire ne qe shqetesohemi se Greqia do na vij ne Himare po e zgjeruan detin 12 milje detare, po greket pse nuk shqetesohen se ne kemi shkuar ne Korfuz pasi e kemi 12 milje detare?

UNCLOS 1982, Neni 15

Delimitimi i detit territorial ndërmjet Shteteve me brigje përballë ose ngjitur. Kur brigjet e dy Shteteve gjenden përballë ose ngjitur me njëri-tjetrin, asnjë nga dy Shtetet nuk ka të drejtë, përveçse kur ka një marrëveshje ndërmjet tyre, për ta shtrirë detin territorial përtej vijës mediane çdo pikë e së cilës është e baraslarguar nga pikat më të afërta të vijave bazë nga të cilat matet gjerësia e detit territorial të secilit prej dy Shteteve. Megjithatë, dispozita e mësipërme nuk zbatohet kur, për shkak të ndonjë titulli historik ose rrethanave të tjera të veçanta, është e nevojshme që delimitimi i detit territorial të dy Shteteve të mos bëhet sipas mënyrave të mësipërme" shkruan ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23