Angli-Autoritetet britanike kanë vendosur në pranga 31 persona, duke shkatërruar një grup që trafikonte qenie njerëzore në Angli.
Operacioni i cili zgjati tre ditë, përfshiu një grup agjencish britanike të ligj-zbatimi në Irlandën e Veriut, dhe Britani, Agjencisë së Luftës Kundër krimit, NCA, forca të ndryshme policore britanike dhe partnerë ndërkombëtarë.
Aurorët e arrestuar e lehtësonin kalimin e emigrantëve për në Britaninë e Madhe përmes porteve dhe aeroporteve të Irlandës që kanë një zonë të përbashkët udhëtimi pa viza me Britaninë edhe pse nuk janë pjesë e zonës Shengen, por që emigrantët mund të hyjnë në Irlandë si vend i BE-së, në kësi rastesh me dokumente false.
Gjatë kontrolleve intensive oficerët sekuestruan 400 mijë stërlina dhe 10 dokumenta fallco në pikat e kalimeve kufitare dhe rrugë lidhëse në qytete, si Belfasti, Liverpuli, Luton apo Skocia.
Sipas disa hetimeve të kryera gjatë vitit 2023, kjo ‘skemë’ ndiqej shpesh herë edhe nga shqiptarë që kishin si destinacion final Britaninë. Ata merrnin taksi që kushtonin deri në 2,500 stërlina, që është më pak se kostoja e kalimeve me gomone.
Kjo shumë ishte përveç 300 apo 400 stërlinave të tjera për një dokument fals të blerë në Shqipëri. Mendohej që këto udhëtime kryheshin çdo ditë. Hulumtimet e gazetës britanike ‘The Telegraph’ zbuluan se shqiptarët bashkëpunonin me grupet kriminale irlandeze për ti organizuar fluturimet drejt Dublinit me dokumente false evropiane dhe më pas me taksistë irlandez që i çonin ata drejt Britanisë me tragetet që lidhnin Irlandën ose Irlandën e Veriut me portet britanike.
“Duhet të shkoni në Dublin. Ne kemi çmimin prej 2500 £ nga Dublini në Angli. Është 100 për qind i sigurt. Duhet të marrësh një ID të rreme europiane që të mund të shkosh lehtësisht në Dublin,” ka thënë një nga organizatorët e bandës, raporton gazeta britanike.
Ministrja britanike e Azilit dhe Sigurisë se Kufijve, Dame Angela Eagle, thotë se ky operacion ka qenë një sukses i madh dhe dërgon një sinjal të qartë se grupet e trafikantëve që shkelin ligjin do përballen me pasoja serioze.
Ndërkohë sipas disa statistikave të fundit ka shkuar në mbi 24 mijë vetë numri i të ardhurve këtë vit me gomone përmes La Manshit, ku 707 emigrantë kaluan vetëm ditën e shtunë.
Lajme të tjera
-
Krishtlindjet/ Për herë të parë në historinë 900-vjeçare, vajzat këndojnë në korin e kishës së Shën Palit
24 Dhjetor, 11:41 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Dështimi i protestës së militantëve të Berishës para Ambasadës shqiptare në Londër, marrin pjesë vetëm 20 persona (VIDEO)
23 Dhjetor, 19:25 -
Bie numri i shqiptarëve me leje qëndrimi në Greqi
23 Dhjetor, 16:14
-
Britani/ U kap në shtëpi bari, 21-vjeçari shqiptar pranon rolin e kopshtarit (EMRI)
22 Dhjetor, 19:58 -
FOTO/ Mbreti Charles III në panairin e komunitetit në Britani, i mahnitur nga veshjet kombëtare shqiptare
22 Dhjetor, 15:36 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Itali/ I dënuar me 25 vite burg për përdhunim, rrëmbim dhe grabitje, Anglia ekstradon shqiptarin! U arrestua më 2023 në Mançester për drogë (EMRI)
21 Dhjetor, 18:59 -
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Tmerr në Angli, portieri humbet jetën pas një sherri! Arrestohet futbollisti tjetër
20 Dhjetor, 12:24 -
Kontrabandoi 14 shqiptarë drejt Britanisë në një kamion bagëtish, arrestohet shoferi irlandez
20 Dhjetor, 11:12
