ANGLI- Kequshqyerja është një ndër problemet më serioze të ditëve të sotme. Ushqimet e shpejta të pashëndetëshme kanë sjellë probleme shëndetësore për adoleshëntët apo fëmijët. BBC shkruan se ekspertët paralajmërojnë për rreziqet e kësaj lloj ushqyerje pasi një adoleshent humbi shikimin pasi hante vetëm patate të skuqura dhe patatina.
Mjekët në Bristol që ishin përkujdesur për 17-vjeçarin thanë se shikimi i tij erdhi duke u përkeqësuar deri në verbëri.
Që nga shkolla fillore, adoleshenti kishte ngrënë vetëm patate të skuqura franceze, bukë të bardhë, si dhe ndonjëherë ndonjë fetë proshutë ose sallam.
![](https://shqiptarja.com/template/img/NO_ALFA_Kuadrate shqiptarja.png)
Testet zbuluan se ai kishte mangësi të mëdha vitaminash dhe dëmtime serioze në organizëm si pasojë e kequshqyerjes.
“E kuptuam që diçka nuk shkonte kur e pamë të kthehej nga shkolla me ushqimin të paprekur. Unë i vendosja gjithmonë fruta me vete, por ai nuk i fuste në gojë dhe gjithmonë ishte shumë i dobët”, ka treguar e ëma e djalit për BBC.
Një studim i 19 vendeve evropiane nga Universiteti i San Paulo vitin e kaluar zbuloi se familjet në Mbretërinë e Bashkuar blejnë më shumë ushqime të shpejta se çdo vernd tjetër në Evropë, duke arritur në 50.7 përqind të dietës së tyre me këto ushqime të pashëndetëshme.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)