Anglia s'e fal Bullgarinë për vendin e parë, Portugalia e Ronaldo-s mposht Serbinë para 40 mijë spektatorëve

Anglia s'e fal Bullgarinë për vendin e parë, Portugalia e Ronaldo-s mposht Serbinë para 40 mijë spektatorëve

Sfida me Bullgarinë në Wembley-n magjik ka shkuar në mënyrën më të mirë të mundshme për Anglinë, pasi ‘Tre Luanët’ kanë fituar me shifrat e thella 4-0.  Të besuarit e Southgate e nisëm me marshin e pestë që në fillim dhe pas tentativave të njëpasnjëshme zhbllokuan në minutën e 24 me Harry Kane, që nuk fali pas një asist të Sterling.

Gjithsesi pjesa më e madhe e golave do të shënoheshin në fraksionin e dytë, me Kane që në minutën e 50 u bë sërish protagonist duke dyfishuar me penallti. Pa kaluar shumë Stërling arriti të thellonte diferencat, ndërsa ‘bomberi’ Harry Kane në pjesën e mbetur të lojës plotësoi ‘pokerin’ për Anginë me ‘tripletën’ personale. Një fitore që Anglinë e ngjit në vendin e parë në Grupin A, duke parakaluar Kosovën që këtë pozicion e mbajti vetëm për pak orë pas fitores me Çekinë. Të martën ndërkohë do të jetë edhe përballja direkte mes Anglisë dhe Kosovës, e cila do të luhet në Southampton.

Tre pikë shumë të rëndësishme ka marrë edhe Portugalia e Cristiano Ronaldo-s, që në Beograd ka mposhtur 2-4 Serbinë e mbështetur nga 40 mijë spektatorë. Luzitanët kaluan të parët në avantazh në fundin e pjesës së parë, me Ëilliam Carvalho që shfrytëzoi një rrëmujë në zonë. Më tej Guedes do të dyfishonte shifrat para se Milenkovic të zgjonte shpresat për vendasit. Atëherë kur pritej goli i barazimit Cristiano Ronaldo bëri atë që di të bëj më mirë, duke konkretizuar në gol një assist të Bernardo Silva.

Gjithsesi Serbia nuk u dorëzua dhe rizgjoi shpresat për pikë me Mitrovic, por në fund gjithçka rezultoi e kotë pasi Portugalia do të realizonte edhe një herë tjetër me Silvën, duke vulosur në të njëjtën kohë edhe shifrat përfundimtare. Me këtë fitore Portugalia ngjitet në vendin e dytë në Grupin B me 5 pikë, 8 më pak se Ukraina e vendit të parë që ka dy ndeshje më shumë.

 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shkodër, sekuestrohen 37 mijë e 336 kubikë me fidanë kanabisi, një në pranga dhe një në kërkim

Shkodër, sekuestrohen 37 mijë e 336 kubikë me fidanë kanabisi, një në pranga dhe një në kërkim