POP 5

Lajmet më të lexuara të 5 minutave të fundit

Sociale

Anglishtja në klasat e para, mësuesja: U prit me entuziazëm te fëmijët! Psikologia: Ndikon teknologjia! Fëmijët: E mësojmë edhe nga telefoni

Teknologjia po u vjen në ndihmë nxënësve të klasave të para, të cilët prej dy vitesh krahas mësimit të abetares dhe lëndëve të tjera në shkollë zhvillojnë edhe lëndën e gjuhës angleze. Mësuesit e psikologët kanë konstatuar se një faktor me ndikim pozitiv është edhe teknologjia pasi vogëlushët e kanë ndeshur anglishten që në parashkollor përmes Youtube në celularë dhe kompjuter.

“Unë i kam mësuar të tëra, të tëra, të tëra fjalët në anglisht...”

Rioni është vetëm 6 vjeç dhe në klasë njihet si djaloshi që flet më mirë anglisht se shqip. E ka ndihmuar fakti se që në moshë të vogël ka parë kukulla dhe programe për fëmijë në telefonin e prindërve dhe në Youtube. Po sa të vështirë e kanë 6-vjeçarët në përgjithësi ta përvetësojnë gjuhën e huaj në një kohë kur sapo nisin të mësojnë alfabetin mëmë?

“Është pak e vështirë sepse ata sapo kanë nisur të mësojnë alfabetin e gjuhës shqipe, por e përvetësojnë shpejt pasi kanë dëshirë dhe entuziazëm. Duan të mësojnë gjëra të reja dhe një ndër to është anglishtja”

Amelia, e cila krahas shkollës e mëson anglishten në “afterschool”, por e has atë edhe gjatë përdorimit të teknologjisë, duket se nuk e ndjen të nevojshme ndihmën e prindërve, pasi ka parë materiale në anglisht në kompjuter dhe telefon.

“Ne mësojmë ngjyrat, numrat dhe nuk është fare e vështirë”.

Gazetari: Po mami me babin dinë anglisht të ndihmojnë në shtëpi?

“Nuk dinë ata, fare”.

Psikologia Erisa Aliaj, thotë se teknologjia ka ndikim të madh pozitiv për përvetësimin e gjuhës angleze tek fëmijët.

“Unë si psikologe dhe si drejtuese e një afterschool-i, kam të bëjë çdo ditë me fëmijë dhe vihet re një diznivel i përvetsimit të gjuhës angleze. Fëmijët që përdorin teknologjinë kanë një përvetësim dhe përdorim të mirë të gjuhës angleze, ndërsa fëmijët e tjerë kanë vështirësi për ta perceptuar dhe përftuar anglishten”.

“Edhe telefoni edhe televizori më kanë ndihmuar të mësoj anglisht”.

Libri i gjuhës angleze për klasat e para, u mëson fëmijëve fjalët bazike, numrat, ngjyrat, apo pjesëtarët e familjes. Disa prej tyre janë përballur me këto fjalë edhe në kopësht apo parashkollor, çka i ka ndihmuar ata që ta përvetësojnë më mirë.

“Unë për herë të parë e kam mësuar në kopsht, po vazhdoj ta mësoj edhe në shkollë.

Krahas ndihmës që telefoni, kompjuteri apo televizori japin në mësimin e gjuhës së huaj, mjekët apelojnë për përdorim të kontrolluar të këtyre pajisjeve me qëllim shmangien e dëmtimeve të shikimit.  

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46