POP 5

Lajmet më të lexuara të 5 minutave të fundit

Politikë

Ankimimi i PS dhe PD për fletën e votimit të 25 prillit, KAS hedh shortin, zgjidhen relatorët

Partia Socialiste dhe Partia Demokratike ankimojnë në KAS fletën e votimit të 25 prillit. Komisioni i Ankimeve dhe Sanksioneve ka hedhur shortin dhe relator për ankesën e PS për fletën e votimit është caktuar anëtari Koli Bele. PS është kundër modelit me emrat e kandidateve pasi e duan me numra, pasi sipas tyre ndërlikon fletën dhe bën konfuz votuesin

Partia Socialiste dhe Partia Demokratike ankimojnë në KAS fletën e votimit të 25 prillit.

Komisioni i Ankimeve dhe Sanksioneve ka hedhur shortin dhe relator për ankesën e PS për fletën e votimit është caktuar anëtari Koli Bele. PS është kundër modelit me emrat e kandidateve pasi e duan me numra, pasi sipas tyre ndërlikon fletën dhe bën konfuz votuesin.

Edhe Partia Demokratike ka paraqitur në Komisionin e Ankimeve dhe Sanksioneve kërkesën ankimore për fletën. Ndonëse fleta e votimit në përmbajtje është sipas kërkesave të demokratëve, pra me emra, PD tashmë kërkon që ajo të mos jetë në formatin horizontal, por vertikal. Relator për shqyrtimin e kësaj kërkese është caktuar Ledio Braho.

Në vijim pritet që KAS të japë një vendim nëse do të rrëzojë ose jo ankesat e PS dhe PD për këtë fletë votimi. 

Në fletën e miratuar është janë të shënuar emrat e kandidatëve për deputetë dhe jo me numra. Vendimi është marrë në mbledhjen e djeshme ku kryekomisioneri Ilirjan Celibash.

Fleta do të jetë në përmasat. 29.7. X 60, do të jetë me emra dhe do të jetë fletë votimi horizontale. Madhësia e fletës do të jetë e njëjtë për çdo qark, si në Tiranë që numrin më të madh të kandidatëve, ashtu edhe në Kukës, apo qarqet e tjera më të vogla. Ajo që ndryshon është madhësia e shkrimit. Pra, emrat në kryeqytet janë me germa më të vogla për shkak se janë 36 kandidatë.

 

Rendit zhvillimet sipas orarit:
Ora 13:52
Fleta e votimit për zgjedhjet e 25 prillit, pas PS e ankimon edhe PD

Partia Demokratike ka paraqitur në Komisionin e Ankimeve dhe Sanksioneve kërkesën ankimore për të fletën e votimit të miratuar ditën e djeshme nga KQZ.

Ndonëse fleta e votimit në përmbajtje është sipas kërkesave të demokratëve, pra me emra, PD tashmë kërkon që ajo të mos jetë në formatin horizontal, por vertikal.

Relator për shqyrtimin e kësaj kërkese me anë të shortit të hedhur mesditën e sotme është caktuar Ledio Braho.

Mbrëmjen e djeshme edhe socialistët ankimuan fletën e votimit, duke kërkuar që kandidatët të identifikohen me numra. Në lidhje me këtë kërkesë, relatori u përzgjodh sot Koli Bele.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Digjet prej 4 ditësh fusha e mbetjeve në Vlorë, tymi mbulon zonën

Digjet prej 4 ditësh fusha e mbetjeve në Vlorë, tymi mbulon zonën

29 Dhjetor, 11:28