POP 5

Lajmet më të lexuara të 5 minutave të fundit

Bota

Ankorohet luftanija amerikane në Qipro, reagon ashpër Turqia

Autoritetet turke kanë reaguar në lidhje me ankorimin e një luftanijeje amerikane në pjesën greke të Qipros. Këto përplasje vijnë para balotazhit presidencial në Turqi, ndërsa gjatë pushtetit të tij Erdogan është përplasur shpesh me Uashingtonin për çështje të ndryshme.

Turqia kritikoi ashpër Shtetet e Bashkuara këtë javë për dërgimin e një luftanijeje në ishullin e ndarë të Qipros, duke akuzuar Uashingtonin për përkeqësimin e tensioneve në Mesdheun lindor. ‘Arleigh Burke’, një anije shkatërruese, bëri një vizitë të martën, duke bërë që Turqia të shprehë kundërshtimet e saj. Në një deklaratë të lëshuar të mërkurën vonë, ministria e jashtme e Turqisë deklaroi se vendimi i SHBA-së prish ekuilibrin në rajon ndërsa akuzoi atë për dëmtimin e pozitës së saj neutrale në lidhje me ishullin e Qipros.

Vitin e kaluar, SHBA hoqi një embargo armësh ndaj administratës greke qipriote e vendosur për gati 40 vjet, duke trajnuar ushtarët grekë. Në përgjigje të kësaj lëvizjeje, Turqia u zotua të rrisë aftësitë mbrojtëse të turqve qipriotë që banojnë në rajonin verior, i cili njihet si një republikë e shkëputur vetëm nga Ankaraja.  Ishulli i Qipros është ndarë që nga viti 1974 kur Turqia pushtoi të tretën veriore të ishullit, duke përmendur nevojën për të mbrojtur pakicën turq qipriotë pas një grushti shteti të mbështetur nga Athina.

Përplasjet mes Turqisë dhe SHBA-së vijnë para balotazhit presidencial në Turqi. Gjatë dy dekadave të tij në pushtet, Erdogan është përplasur shpesh me Uashingtonin, duke përfshirë mosmarrëveshjet rreth çështjeve të ndryshme, si blerja e sistemeve ruse të mbrojtjes ajrore.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53