3700 subjekte në të gjithë vendin janë gjobitur, pasi gjatë kontrollit nga inspektorët e tatimeve janë gjetur me shkelje, ndërkohë 481 të tjera janë mbyllur pasi kryenin aktivitet tregtarë të paregjistruar.

Sipas bilancit të Drejtorisë së Tatimeve deri më 26 nëntor 2017 kur është shënuar dhe java e 7-të e aksionit antiinformaliteti, subjektet e kontrolluara janë 19.434, ndërsa me shkelje janë gjetur 19 % e tyre.

834 punonjës për herë të parë në këto shtatë javë sipas tatimeve janë futur në skemën e kontributeve të sigurimeve shëndetësore dhe shoqërore, duke mos punuar më në të zezë. Ndërkohë, detyrimet e prapambetura të bizneseve kundrejt tatimeve për këto 7–të javë arrijnë në vlerën e 1 miliard e 859 milion lekë.

dy.b/shqiptarja.com