Anulimi i koncesionit Thumanë-Kashar, Braçe: Ja dy arsyet e vërteta pse u tërhoqëm nga kontrata

Qeveria u tërhoq pak ditë më parë nga partneriteti publik privat për ndërtimin e aksit rrugor Thumanë-Kashar, një projekt prej 225 milionë eurosh. Ministrja e re e Infrastrukturës u shpreh se fondi i përcaktuar për këtë aks do të vendoset në funksion të "Paktit për Universitetin" (lexo këtu). Por zv/ kryeministri Erjon Braçe dha sonte në Repolitix dy arsye të tjera të ndërprerjes së kontratës. “Nuk është tërhequr qeveria, është ndërprerë procedura. Kjo kontratë nuk u arrit fare në kontratë... U tërhoqëm për dy arsye; e para se ishte i shtrenjtë, e dyta se asnjë kompani nuk mund të gënjejë më qeverinë e Shqipërisë. Ajo që ka ndodhur me procedurën e prokurimit të njërit lot të Unazës së Re është e patolerueshme. Për aksin Thumanë-Kashar ka një rrugë paralele, e cila duhet të mirëmbahet dhe e dyta, kompanitë duhet të harrojnë se mund të zhvillojnë praktika si ajo” tha ai.

Braçe sqaroi edhe çështjen e fondit që ishte përcaktuar për rrugën dhe që më pas u tha se do të shkojë për studentët. “Po nuk është thënë kështu, nuk ka fond. Hapësira fiskale që lë bosh, do të vihet në dispozicion ajo hapësirë fiskale për historinë e strehimit të studentëve dhe për ti dhënë fund procesit të rikonstruksionit, apo kampusve. Kërkojmë të ndërtojmë përmes kërkesës së qeverisë këtë herë, të shfrytëzojmë këtë hapësirë fiskale të krijuar nga ajo që folëm për të zgjidhur njëherë e mirë çështjen e infrastrukturës, mund ta shtrijmë edhe në arsimin parauniversitar”.

Lajmi kryesor:

Zv/kryeministri Braçe në 'Repolitix': Dy arsyet e vërteta pse u tërhoqëm nga koncesioni i rrugës Thumanë-Kashar

TAG:
• repolitix
• Erion Braçe