POP 5

Lajmet më të lexuara të 5 minutave të fundit

Shëndeti

Ekskluzive/ Shintigrafia 3 muaj jashtë funksioni në QSUT, Ministria s'blen jodin radioaktiv! Të sëmurët në pritje ose detyrohen të shkojnë në privat

Prej tre muajsh në QSUT nuk funksionin aparatura e Shintigrafisë e cila është e domosdoshme për të përcaktuar shkallën e sëmundjes tek pacientët me tiroide, zemër, veshka, deri dhe te tumoret e ndryshëm. Report Tv mëson se aparatura nuk funksion për shkak se mungon lënda radioaktive që shërben për të ndihmuar mjekët të gjejnë saktë anomalitë në organin që duan të ekzaminojnë.

TIRANE- Linditën e gjejmë në qendrën shëndetësore të specialisteve numër 2 në Tiranë.

Ka 4 muaj e diagnostikuar me tiroiden, e për të parë ecurinë e gjëndrës, nëse duhet të ndryshojë kurën e ilaçeve apo t’i nënshtrohet një ndërhyrje kirurgjikale, i duhet të kryejë shintigrafinë, aparaturë që në QSUT nuk funksion nga janari i 2024-ës. Megjithatë 32-vjeçarja ka bërë planifikimin më datë 26 shkurt, por akoma pret. Në javë, mbi 15 pacientë presin si Lindita.

“Mjekja e bëri planifikimin që atë ditë. Më tha Lindita do ta bëjmë në shtet se në privat kushton. Pastaj më tha më merr një ditë përpara në celularë, pastaj më tha nuk punojnë, më vjen keq po s’di çfarë të them”, thotë ajo.

Report Tv u interesua për situatën, nga ky përmes burimeve mësuam se në Qendrën Spitalore Nënë Tereza, i vetmi spital publik ku ky ekzaminim ofrohet, shintigrafia nuk funksionon dhe shkak është bërë mungesa e lëndëve të domosdoshme radioaktive: jodit dhe tekneciumit, që me porositjen dhe sigurimin e këtyre lëndëve radioaktive merret drejtpërdrejt Ministria e Shëndetësisë.

“Jodin radioaktiv e përdorim sepse duke qenë se tiroidja e kap e fut brenda në qelizë dhe aty ai e shkatërron qelizën e keqe.... Kështu që ne këtë duam të shkatërrojmë, dhe këtë e bën vetëm jodi radioaktiv”, shprehet Florian Toti, mjek Endikrinokog QSUT.

Këtë situatë, po e vuajnë jo vetëm të sëmurët me tiroide, pasi e njëjta aparaturë e shintigrafisë shërben edhe për të sëmurët nga veshka, mushkëria, zemra, problemet me kockat.

“Shintigrafia mund të përdoret edhe për paratiroiden, mund të përdoret edhe shintigrafia e pulmonit, e veshkës, ose shintigrafia e kockave, e cila shërben për ndjekjen e metastazave të kancerave të ndryshme, siç është edhe kanceri i gjirit”, vijon mjeku Toti.

Me mungesën e lëndës radioktive që bllokon funksionimin e shintigrafisë, mjeku endokrinolog në QSUT, Florian Toti, thotë se kur sistemi të funksionojë, do të jetë një fluks i papërballueshëm.

“Në këtë periudhë që jemi tani gati çdo ditë vijnë 2-3 raste në ditë me rekomandimin për shintigrafi të tiroides. Një pjesë e tyre e kanë të nevojshme... janë grup moshat mbi 40 vjeç”, thotë mjeku.

Report TV iu drejtua me kërkesë zyrtare Drejtorisë së Përgjithshme të Qendrës Spitalore Universitare “Nënë Tereza” se përse nuk po kryhet shintigrafia, por ende nuk ka mbërritur një përgjigje.

Në spitalet private në vend, ku qytetarët mund të jenë të detyruar të drejtohen gjatë kësaj kohe që shteti nuk e ofron shërbimin e plotë, shintigrafia kushton mbi 6 mijë lek.

Gazetarja: Ti je e detyruar ta bësh në privat tani?

Lindita (paciente): Po çfarë të bëjë, nuk kam zgjidhje tjetër”.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34