POP 5

Lajmet më të lexuara të 5 minutave të fundit

Sport

Apeli i FSHF-së 'shkrin' Tërbunin, shansi i fundit i pukjanëve mbetet CAS-i i Lozanës

Komisioni i Apelit të Disiplinës pranë Federatës Shqiptare të Futbollit ka lënë në fuqi vendimin e Disiplinës dhe Etikës, sa i takon çështjes "Tërbuni".

Apeli i FSHF-së 'shkrin' Tërbunin, shansi i fundit i pukjanëve mbetet CAS-i i Lozanës

Momenti i përplasjes në ndeshjen Tërbuni - Turbina

Komisioni i Apelit të Disiplinës pranë Federatës Shqiptare të Futbollit ka lënë në fuqi vendimin e Disiplinës dhe Etikës, sa i takon çështjes "Tërbuni". Pas sherrit me arbitrat në ndeshjen kundër Turbinës në Kategrinë e Parë, Disiplina pezulloi pukjanët nga ky aktivitet dhe i dërgoi në Kategorinë e Dytë.

Vendimi i datës 5 prill 2022 u ankimua në Apel nga Tërbuni, me këta të fundit që në vendimin e sotëm kanë lënë në fuqi Disiplinën, teksa e vetmja shpresë për të rrëzuar një vendim të tillë është që Tërbuni të ndjekë çështjen në Gjykatën e Arbitrazhit Sportiv (CAS) në Lozanë të Zvicrës.

"Komisioni i Apelit të Disiplinës, pasi mori në shqyrtim kërkesat e FK Tërbuni,

Vëren se:

Me vendimin nr.31, datë 05.04.2023 Komisioni i Disiplinës dhe Etikës ka vendosur të marrë ndaj FK Tërbuni masat disiplinore si më poshtë vijon:

FK Tërbuni, për dështim në përmbushjen e përgjegjësive në mënyrë të përsëritur, duke shkaktuar akte dhune dhe duke mos garantuar sigurinë e zyrtarëve të ndeshjes në bazë të Neneve 30/1, 30/4/a, 31, 39/1, 65/1 dhe 65/3/c të KDS, humbet ndeshjen në tavolinë me rezultatin 3-0 kundër KF Turbina dhe dënohet me gjobë në masën 300.000 (treqind mijë) lekë. Sipas nenit 116/1/a të KDS, gjoba të aplikohet në masën 50%.

Në zbatim të Neneve 27, 28, 63, 64/2, 65/4/d të KDS, FK Tërbuni përjashtohet nga aktiviteti futbollistik për sezonin 2022-2023 dhe zbritet në një kategori më të ulët.

Më datë 18.04.2023 Nr.782/1 prot. FK Tërbuni, ka paraqitur ankim me objekt:

Kundërshtimin i Vendimit Nr.31 Datë 05.04.2023 të KDS lidhur me sanksionet e vendosura ndaj FK Tërbuni.

KOMISIONI I APELIT TË DISIPLINËS

Pasi u njoh me relacionin e Sekretariatit Teknik, shqyrtoi dokumentacionin e paraqitur dhe diskutoi çështjet në tërësi si dhe duke u bazuar në nenet 76 e vijues të Kodit të Disiplinës Sportive,

VENDOSI:

  1. Lënien në fuqi të Vendimit Nr. 31, pika 1, datë 05.04.2023 të Komisionit të Disiplinës dhe Etikës.
  2. Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

", njofton Apeli i Disiplinës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

25 Dhjetor, 07:51