20-vjeçari nga Kukësi akuzohet për trafikim të miturish me destinacion Kosovën. Isa dyshohej se kishte mashtruar një 8-vjeçar me iniciale A.F dhe e ka mbajtur një ditë në shtëpinë e tij.
Sipas policisë së Kukësit, Begzim Isa pasi ka mashtruar 8-vjeçarin me inicialet A.F e ka marrë me vete dhe më pas ka tentuar të largohet me të jashtë vendit, por fatmirësisht i mituri është shpëtuar nga policia, dhe autori ka rënë në prangat e uniformave blu.
Kjo ngjarje ka ngritur pista hetimi të reja edhe për zhdukjen e vogëlushes Bleona Mata, familja e së cilës jeton në të njëjtin fshat.
Redaksia online
(ar.sh/shqiptarja.com)