Apeli lë në fuqi dënimin për
Partizanin, protestojnë tifozët

Komisioni i Apelit në FSHF lë në fuqi vendimin e Komisionit të Disiplinës për tifozët e Partizanit.
 
Disiplina kishte dënuar Partizanin me 4 ndeshje pa tifozë për shkak të trazirave që ndodhen dy javë më parë në ndeshjen Kukësi-Partizani.
 
"Demat e Kuq" një ndeshje e ka shlyer dhe do te luajë edhe tre ndeshje të tjera pa tifozë.
 
Ndërkohë është një klauzolë që ku kalon gjysmën e dënimin pjesën tjetër mund ta shlyesh financiarisht.
 
Ndërkaq, tifozët e Partizanit zhvilluan sot një protestë kundër Federatës Shqiptare të Futbollit, e cila sipas tyre u ka dhënë ndëshkime të pamerituara tifozëve dhe klubit të Partizanit.

Organizimi i tifozëve për të protestuar përpara FSHF-së, ka ardhur përmes rrjetit social Facebook. 

Thirrja e "guerrilasve" në FB:
“Kunder dhunes, denimit e policise !
Kunder FSHF, mafies e trukimeve !
Kunder Dukes, Takajt e Gjicit e dallavereve !
Me pasionin, futbollin dhe garen e ndershme ! 
Me Ultras Guerrils, per Partizanin !
Neser , ora 15:30 PROTESTE masive perpara zyrave te FSHF, ju ftojme te gjitheve, se bashku per tiu kundervene gangrenes qe ka zene futbollin shqiptar", thuhet në njoftimin e faqes të Facebook të tifozëve ultras të Partizanit.

[gallery]21381[/gallery]

Redaksia Online
l.q/Shqiptarja.com