POP 5

Lajmet më të lexuara të 5 minutave të fundit

Politikë

Aplikimet, Harito: Kanë dërguar
CV-të e tyre 5 280 persona

Partia Socialiste ka bërë pulbike të dhënat e deritanishme lidhur me CV e dërguara, pas nismës së kryeministrit të ardhshëm, Edi Rama, i cili i ftoi të gjithë ata që mund t’i bashkohen skuadrës së re qeverisëse të vendit.
Aplikimet, Harito: Kanë dërguar<br />CV-të e tyre 5 280 persona
TIRANE- Partia Socialiste ka bërë pulbike të dhënat e deritanishme lidhur me CV e dërguara, pas nismës së kryeministrit të ardhshëm, Edi Rama, i cili i ftoi të gjithë ata që mund t’i bashkohen skuadrës së re qeverisëse të vendit.
 
Deputetja e PS, Milena Harito, në një konferencë për shtyp, tha se “apelit të kryeministrit të zgjedhur për të shprehur online interesin për t’u provuar për skuadrën e re për Shqipërinë, i janë përgjigjur deri tani 5280 persona, 2383 femra dhe 2897 meshkuj. Ndërkohë që aplikimet vazhdojnë, deri tani shprehja e interesit ka ardhur nga të katër anët e botës dhe përkatësisht: 5007 brenda Shqipërisë dhe 273 jashtë Shqipërisë

Interesante është edhe e dhëna mbi grupmoshat e interesuara: nën 25 vjeç - 1320 persona; 26‐30 vjeç - 1782 persona; 31‐40  vjeç - 1394 persona; 41‐50 vjeç - 423 persona; mbi 50 vjeç - 361 persona. Kjo është një përgjigje ngazëllyese qytetare për projektin tonë afatgjatë të krijimit të bankës së të dhënave mbi kapitalin njerëzor të Shqipërisë”.
 
Në fjalën e saj, Harito tha se ky nuk është një premtim për punë. Ndërkohë që më tej, deputetja e PS shtoi se po punohet nga një grup pune për t’i sistemuar aplikimet sipas kategorive profesionale, sipas shkallëve të eksperiencës, si edhe për të përgatitur kalimin në fazën e dytë. Aplikantët do të njoftohen me tej lidhur me fazën e dytë.
 
“Përmes kësaj baze të dhënash do të bëhet e mundur që në konkurset për vendet vakante ose të reja në sektorin publik të ketë shumë më tepër kandidatë, duke i bërë konkurset plotësisht të hapura për këdo që ka interes të provohet. Kjo është një rrugë për t’i dhënë fund praktikave të errëta tradicionale larg syve dhe vëmendjes së publikut. Jemi angazhuar që çdo njeriu të zot dhe të gatshëm për të kontribuar për ndërtimin e Shqipërisë Europiane në sektorin publik, t’i japim mundësinë të provohet e të angazhohet sipas meritës. Këtë sapo kemi filluar të bëjmë”, shtoi Harito.
 
Harito tha se kjo bazë të dhënash do të jetë një mundësi e re edhe për sektorin privat që të kërkojë njerëzit e duhur duke u informuar në këtë rrjet të ri për vende të reja pune.
 
“Aplikimet vazhdojnë dhe ne inkurajojmë këdo që dëshiron të mos ngurrojë. Është një nismë e re dhe një praktikë e re shumë bashkëkohore, të cilën do ta përsosim rrugës vetëm së bashku”, theksoi Harito.

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça