POP 5

Lajmet më të lexuara të 5 minutave të fundit

Kronikë

Aplikimet për azil të shqiptarëve, u rritën kërkesat në korrik

Edhe pse masat e ndërmarra nga shumë shtete të Evropës për të ndaluar përhapjen e pandemisë COVID-19, shqiptarët vijojnë të aplikojnë për azil në shtetet e BE-së.

Edhe pse masat e ndërmarra nga shumë shtete të Evropës për të ndaluar përhapjen e pandemisë COVID-19, shqiptarët vijojnë të aplikojnë për azil në shtetet e BE-së.

Sipas të dhënave për muajin korrik të Zyrës Evropiane të Azilantëve, janë regjistruar 505 aplikime dhe riaplikime. Konkretisht janë 366 aplikime për herë të parë, dhe 139 riaplikime. Në krahasim me muajin qershor numri i aplikimeve dhe i riaplikimeve është rritur me 171 regjistrime, ose rreth 28% më shumë se në muajin e 6 të vitit.

Por pavarësisht kësaj rritje në muajin korrik, po ta krahasojmë me korrikun e një viti më parë kemi rreth 1085 aplikime fillestare më pak nga shqiptarët.  Rënia e aplikimeve nisi në fillim të vitit, kur në janar ishin 913 aplikues nga mbi 1300 që ishin në dhjetor. Ndërsa në total në 6 muaj, janë bërë 3012 aplikime për herë të parë nga shqiptarët për të fituar statusin e azilantit në një nga shtetet e Bashkimit Evropian.

“Shërbimet e azilit nuk janë rifilluar ende plotësisht në shumicën e vendeve, dhe kështu masat kufizuese të lidhura me COVID ende kanë një efekt të përhapur në të gjitha tendencat e azilit. Në korrik, gati 43 000 kërkesa për mbrojtje ndërkombëtare u paraqitën në BE, duke vazhduar të rriten për të tretin muaj radhazi që nga Prilli kur u zbatuan bllokimet e para. Sidoqoftë, aplikimet qëndrojnë në pak më shumë se gjysmën e niveleve të fundit të vitit të kaluar dhe fillimit të vitit”, thuhet në njoftimin e Zyrës Evropiane të Azilantëve.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54