Politika shqiptare ka përshëndetur aplikimin e Kosovës për t’u bërë pjesë e Bashkimit Europian. Presidenti Bajram Begaj teksa uron krerët e shtetit të Kosovës për marrjen e këtij hapi të rëndësishëm u bën thirrje vendeve anëtare të BE-së që ta mbështesin Kosovën në këtë proces.
“U bëj thirrje të gjitha vendeve anëtare që ta mbështesin aplikimin e Kosovës, pasi kjo do të ishte jo vetëm në interesin më të mirë gjeopolitik të Bashkimit Evropian, por dhe një kontribut më shumë në mbështetje të një vendi e një populli me vokacion të qartë evropian dhe euro-atlantik”, shkruan Begaj.
Nga ana tjetër, ministrja e Jashtme Olta Xhaçka thotë se Shqipëria do të jetë në krah të Kosovës në këtë rrugëtim që ka nisur, duke theksuar se vendi i saj dhe i gjithë Ballkanit Perëndimor është në BE.
![](https://shqiptarja.com/template/img/NO_ALFA_Kuadrate shqiptarja.png)
“Urime Kosovës për aplikimin për anëtarësim në Bashkimin Evropian. Shqipëria do ta mbështesë dhe ndihmojë Kosovën në çdo hap të këtij procesi. Vendi i Kosovës është në BE ashtu siç edhe e ardhmja e Ballkanit Perëndimor është në BE”, shkruan Xhaçka.
Këto reagime vijnë pasi kryeministri i Kosovës, Albin Kurti dorëzoi sot në Pragë aplikimin e Kosovës për t’u bërë pjesë e Bashkimit Europian. Kjo lëvizje e Kosovës vjen pas tensioneve të shtuara në veri.
Presidenti i Republikës, Bajram Begaj, përshëndet dorëzimin e aplikimit të Kosovës për t’u anëtarësuar në Bashkimin Evropian, si dhe duke e konsideruar një akt të rëndësishëm historik, i uron autoriteteve të Kosovës shumë suksese në përmbushjen e detyrimeve të procesit të anëtarësimit.
Në të njëjtën kohë, Presidenti Begaj, u bën thirrje të gjitha vendeve anëtare që ta mbështesin aplikimin e Kosovës, pasi kjo do të ishte jo vetëm në interesin më të mirë gjeopolitik të Bashkimit Evropian, por dhe një kontribut më shumë në mbështetje të një vendi e një populli me vokacion të qartë evropian dhe euro-atlantik.
"Dorëzimi i aplikimit të Kosovës për t’u anëtarësuar në Bashkimin Evropian është një akt i rëndësishëm historik që i hap rrugë realizimit të aspiratës europiane të saj. Përgëzime autoriteteve të Kosovës dhe shumë suksese në përmbushjen e detyrimeve të procesit!
U bëj thirrje të gjitha vendeve anëtare që ta mbështesin aplikimin e Kosovës, pasi kjo do të ishte jo vetëm në interesin më të mirë gjeopolitik të Bashkimit Evropian, por dhe një kontribut më shumë në mbështetje të një vendi e një populli me vokacion të qartë evropian dhe euro-atlantik. Urime Kosovë e shumë suksese", shkruan Begaj.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)