Shumë maturantë nga Tirana por edhe nga qytete të tjera të vendit gjatë ditës së sotme kanë ngritur shqetësimin se nuk kanë mundur të aplikojnë për të fituar të drejtën e studimit  në universitete për shkak të rënies së sistemit.

Problemet janë shkaktuar për shkak të sistemit të mbingarkuar.

Të pyetur nga Shqiptarja.com drejtoresha e AKP-së Rezana Vrapi  bën me dije do të merren të gjitha masat e  nevojshme që asnjë maturant të mos mbetet pa aplikuar.

Ndërkohë njoftohen të maturantët/kandidatë që nuk kanë mundur të aplikojnë për në universitet se mund të kryejnë këtë proces nga dita e hënë dhe në vazhdim pranë DAR.

Gjithashtu ata do të kenë në dispozicion për të aplikuar edhe në datat 28-29 korrik 2017. 

Kujtojmë se Agjensia Kombëtare e Provimeve këtë të shtunë bëri me dije se sot ishte afati i fundit përmaturantët e qarkut të Tiranës, ndërkohë që më pas aplikimet vijojnë me qarkun Kukës dhe Elbasan. 

Këtë të shtunë kanë nisur aplikimet edhe maturantët nga Durrësi dhe Kruja.

Ndërkohë në datat 28 dhe 29 korrik, portali do të hapet sërish për këdo maturantë që nuk ka mundur të aplikojë në datat e përcaktuara, të Drejtorisë Arsimore që i përket.

Redaksia Online
e.m/Shqiptarja.com