Aplikantët për platformën 'Gati për Shqipërinë', Rama: Gati aplikacioni për të ndjekur online ecurinë e procesit

TIRANË- Kryeminstri Edi Rama ka zhvilluar sot sesionin 18 të nismës 'Gati për Shqipërinë' ku janë prezantuar të tjerë aplikantë të cilët kanë dëshirë të kontribuojnë për Shqipërinë. Kryeminsitri Edi Rama ka bërë me dije se është bërë gati një aplikacion  në mënyrë që të gjithë aplikantët dhe drejtuesit të kenë mundësi të ndjekin online ecurinë e procesit.

Ndër të tjera Rama u bëri me dije aplikantëve se pas këtij prezantimi ata do të ndahen sipas fushave përkatëse dhe më pas do të kontaktohen për të zhvilluar një takim me ministrat ose titullarët përgjegjës për të diskutuar dhe më në detaje në lidhje me ecurinë e procesit. 

"Sot kemi sesionin e 18- të të dëgjesave të aplikantëve të përzgjedhur. Ky komunikim i sotëm është i pari, vlen për të bërë një prezantim paraprak, më pas do bëhet ndarja juaj sipas fushave dhe në një moment të dytë do merrni një e-mail me datën dhe orën kur  të takoni ministrin, ministren, titullarin përkatës sipas fushës për të bërë një komunikim më të detajuar. Është bërë gati dhe një aplikacion për  të pasur mundësi që të ndiqni ecurinë e procesit", tha Rama.

Kujtojmë se pas fitorës në zgjedhjet e 25 prillit, kryeministri Edi Rama shpalli nismën 'Gati për Shqipërinë' ku u ka kërkuar të rinjve ekselentë në Shqipëri dhe jo vetëm, ide dhe plane për qeverisjen në mandatin e tretë.

SI.E./Shqiptarja.com
  • Sondazhi i ditës:

    A e mbeshtesni nismen Ballkani i Hapur krijuar nga Shqipëria, Serbia dhe Maqedonia e Veriut?

Komento

Komente

  • pika: 22/07/2021 14:08

    Ah mor te shkrete ....

    Përgjigju


×

Lajmi i fundit

John

Lojërat Olimpike/ Garoi në not, Merizaj e 3 në baderinë e saj por mbetet jashtë gjysmëfinales! Deliaj e mbyll e fundit në qitje