Këngëtari shqiptar me famë evropiane, Ardian Bujupi, që në orët e para të daljes me shitjet e albumit të tij ka arritur të zë vende në top 10 të klasifikimeve të shitjeve në Gjermani dhe në Zvicër.

Albumi “Ardicted” i cili kushton 14 euro për t’u blerë në iTunes s’ka kaluar as 24 orë dhe ka filluar të shitet me të madhe.

ardian bujupi

Kështu që, në Zvicër albumi ka arritur vendin e tretë qysh në orët e para dhe shumë shpejt pritet të jetë në vendin e parë të ranglistës së shitjeve në iTunes.

Nga ana tjetër, në Gjermani që në orët e para ka arritur vendin e shtatë, që flet më shumë për ecurinë tij dhe atë që mund të pritet prej tij deri në fund javës – një klasifikim më lart në Gjermani, pavarësisht faktit se albumi kushton mjaft shtrenjt dhe nuk është ‘single’ që do shitej më lehtë.
Redaksia Online
Marrë nga numri i sotëm i gazetës së përditshme të printuar “Shqiptarja.com”