POP 5

Lajmet më të lexuara të 5 minutave të fundit

Sport

Argjentina kalon në çerekfinale
me drithërima, eliminohet Zvicra

Argjentina është ekipi i radhës që kualifikohet në çerekfinalet e kampionatit botëror të Brazilit, pasi mposhti Zvicrën me rezultatin minimal 1-0 pas 120 minutash lojë.
Argjentina është ekipi i radhës që kualifikohet në çerekfinalet e kampionatit botëror të Brazilit, pasi mposhti Zvicrën me rezultatin minimal 1-0 pas 120 minutash lojë. Heroi i takimit ishte Angel Di Maria që arriti të zhbllokonte shifrat pas 118’ minutave.

Pavarësisht eliminimit, Zvicra largohet me kokën lart nga kampionati botëror, pasi arriti të realizonte një paraqitje shumë të mirë edhe përballë pretendentëve të Argjentinës duke i vendosur në vështirësi.

Ndeshja nisi e mirë për Zvicrën që zbriste në fushë me boshtin e një ekipi të formuar nga shqiptarët. Granit Xhaka kishte rastin më të mirë për të kaluar në avantazh ‘helvetët’ por nuk arriti që të finalizonte me sukses duke humbur një mundësi të artë, teksa Messi ishte i markuar mjaft mirë nga skema e trajnerit Hizfeld. Në fraksionin e dytë, argjentinasit marrin në kontroll fushën duke dominuar me disa raste, por portieri Benaglio shmangu golat.

90’ e kohës së rregullt përfunduan me rrjeta të paprekura duke i lënë vendin 2 pjesëve shtesë. Pjesa e parë e shtesës u mbyll pa rezultat, teksa të dy ekipet shfaqën shenja të qarta lodhje në fushë. E ndërsa në fundin e shtesës së dytë trajnerët po bënin gati listën e futbollistëve që do të gjuanin penalltitë, Lionel Messi përfiton nga një rreshtim gabuar i mbrojtjes zvicerane duke dhënë një asist për Di Marian që dërgon topin në rrjetë 2’ nga fundi.

Minutat e fundit kanë qenë tepër drithëruese për argjentinasit, pasi zviceranët nuk u dorëzuan, Xhemaili goditi shtyllën, ndërsa vetëm pak jashtë zonës së 16-shes, Shaqiri me një gjuajtje nuk mundi të çajë murin mbrojtës të amerikano-jugorëve duke i dhënë fund Botërorit për Zvicrën.


d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55