X

POP 5

Lajmet më të lexuara të 5 minutave të fundit

Sport

Argjentina ngec sërish në Kupën e Amerikës, kualifikohet Kolumbia

Argjentina vijon të zhgënjejë. Messi me shokë nuk shkuan më shumë se barazimi 1-1 ndaj Paraguajit në ndeshjen e dytë në grupin B të Kupës së Amerikës. Për të kaluar më tej Argjentina duhet patjetër ta fitojë ndeshjen e fundit ndaj Katarit. Ndërkaq Kolumbia është e para skuadër që kualifikohet në çerekfinale.

Argjentina ngec sërish në Kupën e Amerikës, kualifikohet Kolumbia

Argjentina zhgënjen sërish në Kupën e Amerikës. Kundër Paraguajit në Belo Horizonte  Messi me shokë nuk shkuan dot më shumë se një barazim 1-1 dhe tashmë ndodhen të fundit në grupin B. Paraguaji e mbylli pjesën e parë në avantazh me golin e Sanchez në minutën e 37-të. Ekipi i drejtuar nga Lionel Scaloni arriti të barazojë në pjesën e dytë me Leo Messin.

Kapiteni i Argjentinës kthen në gol një penallti të akorduar me VAR dhe barazpeshon shifrat. Paraguaji kishte një mundësi të artë të shënonte golin e fitores por portieri Armani priti penalltinë e gjuajtur nga Derlis Gonzales në minutën e 62-të. Argjentina duhet patjetër të fitojë në ndeshjen e fundit të grupit B ndaj Katarit nëse do të kualifikohet më tej.

Ndërkaq Kolumbia bëhet skuadra e parë që arrin të kualifikohet për në çerekfinalet e Kupës së Amerikës. Cafeteros mposhtën 1-0 Katarin falë golit të Duvan Zapata dhe me 6 pikë e mbyllin në vend të parë grupin një ndeshje nga fundi./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Me flamur në dorë, Tedi Blushi i PL-së tenton të kalojë mbi policinë për t’u futur në bashki

Me flamur në dorë, Tedi Blushi i PL-së tenton të kalojë mbi policinë për t’u futur në bashki

26 Prill, 12:30