POP 5

Lajmet më të lexuara të 5 minutave të fundit

Kronikë

Arjan Salaj vdiq mes flakëve në magazinë, Report Tv zbardh ekspertizën paraprake: Shkak një shkëndije elektrike! Zjarri u fik fillimisht, por u aktivizua pas 30 minutash

Report Tv zbardh ekspertizën paraprake për zjarrin e rënë në magazinën e nëndheshme disa ditë më parë në një qendër tregtare në Tiranë.  Zjarri në magazine me mallra plastike e veshje, dyshohet se nisi pas një shkëndije elektrike në kabullin e neonit. 

Report Tv zbardh ekspertizën paraprake për zjarrin e rënë në magazinën e nëndheshme disa ditë më parë në një qendër tregtare në Tiranë.  Zjarri në magazine me mallra plastike e veshje, dyshohet se nisi pas një shkëndije elektrike në kabullin e neonit.  Shkëndijat elektrike ranë mbi rroba sintetike duke krijuar flakë të shumta që forcave zjarrfikëse ju deshën mbi 2 ditë për t’i shuar zjarrin, pasi temperatura në magazinë arriti mbi 900 gradë.

Gazetari i Report Tv, Arsen Rusta raporton se zjarri ka rënë rreth orës 15:00 teksa punëtorit prisnin kamionin me mall. Të parët që tentuan të shuajnë zjarrin ishin punonjësit e sigurisë mes tyre edhe Arjan Salaj, që fatkeqësisht u gjet i pajetë ditën e djeshme në magazinën e shkrumbuar.  Punonjësit e sigurisë shuan flakët por jo vatrën e për pasojë, zjarri u riaktivizua më pas.

Në orën 15:30 flakët aktivizuan alarmin, ndërsa 2 punonjës dhe djali i pronarit u futën t’i shuanin. Arjan Salaj u fut thellë në magazinë që të shuante flakët, thonë burime për Report Tv. Ai tentoi të largohej nga dera e emergjencës por u rrëzua për shkak të errësirës dhe tymit.

Si u fut Arjan Salaj për të shuar zjarrin? Ai mori bombolën e shuarjes së zjarri dhe u fut  për të fikur flakët, ndërsa pas tij ishte edhe një punonjës dhe djali i pronarit. Flakët janë përhapur me shpejtësi për shkak të materialeve lehtësisht të djegshme duke mos i kontrolluar dot më vetëm me bombolën  shuarjes së zjarri dhe për këtë punonjësi dhe djali i pronarit kanë dalë nga dera kryesore në të cilën hynë, ndërsa Arjan Salaj tentoi të dilte nga dera e emergjencës që ishte më parën vartës së zjarri por është rrëzuar dhe nuk ka mundur dot të dalë më. Trupi i tij i pajetë i 33-vjeçarit është gjetur shumë pranë derës së emergjencës.

Trupi i pajetë i 33-vjeçarit Arjan Sala, u nxor pas 3 ditësh pas zjarrit në magazinën në qendrën tregtare "Casa Italia". Trupi u  identifikua nga xhaxhai i 33-vjeçarit, dhe më pas është dërguar në morg. Ai u përcoll dje nga familjarët në banesën e fundit, ndërsa qeveria pritet ta shpallë Dëshmor të Atdheut.

Referuar dëshmisë së familjarëve, Sala ka shpëtuar rreth 20 punonjës të tjerë në magazinë, e vetë është futur për të shuar zjarrin, por fatkeqësisht nga aty nuk ka mundur që të dalë. 

Vendi ku u gjet trupi i pajete i Arjan Salajt

Kabëlli nga i cili u ndodhi shkëndija elektrike

Skema e ekspertizën paraprake

Viktima Arjan Sala

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/03/2021 02:54

    /SHABAN/ jam shume dakord me ju.

    Përgjigju
  • Shaban: 28/03/2021 14:23

    Instalime amatoresh te percjellesve elektrike. Asnje sistem fikes zjarri (sprinkler).

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46