POP 5

Lajmet më të lexuara të 5 minutave të fundit

Kultura

Arkeologji/ Skanohet nëntoka e Lezhës, pas hartografimit nisin ekspeditat

Lezha është një nga qytetet me potencial të lartë arkeologjik që përbëjnë një vlerë të rëndësishme historike. Ndaj aty po realizohet projekti “Hartografimi dhe Dokumentimi i Parkut Arkeologjik”, i cili drejtohet nga Neritan Ceka.

Ekspertët e arkeologjisë dhe gjeologjisë kanë nisur punen në terren për skanimin e Parkut Arkeologjik të Lezhës. Studimi përmes matjeve topografike po kryhet në një siperfaqe të gjerë në zonen përreth memorialit të "Gjergj Kastriotit", kalasë mesjetare të qytetit dhe akrolisit. Përmes këtij projekti synohet përcaktimi i zonave me potencial arkeologjik, për t’u hapur rrugë gërmimeve, për të nxjerrë në dritë historinë e qytetit 2400 vjeçar.

 “Ne duam të krijojmë nivele të ndryshme të skanimit pra të dimë se çfarë ka ndodhur në në kohën e Romakëve dhe si zhvillohet qyteti në Antikitet dhe më pas në Mesjetë”, tha Neritan Ceka, arkeolog.

“Po kryejmë një lëvim gjeofizik dhe presim të nxjerrim rezultate të mira, por ka disa anomali që mund të jenë shkaktuar nga objekte arkeologjike”, tha Altin Karriqi, gjeolog

“Duam të ndërtojmë një hartë të plotë që nga kalaja deri tek vendvarrimi i Skenderbeut”, tha Edmond Hoxha, pedagog

“Pas hartografimit pritet të nisin ekspeditat arkeologjike”, tha Paulin Zefi përgjegjes i trashegimisë.

Pas dokumentimit të zonave me potencial arkeologjik do të nisin ekspeditat, ku Lezha synohet të kthehet në epiqender të gërmimeve arkeologjike. Hartografimi dhe dokumentimi i zonave me potencial arkeologjik në Lezhë, është një projekt që po zbatohet nga  Akademia e Shkencave me mbështetjen e Ministrisë së Arsimit dhe synohet të përmbyllet brenda muajit korrik të këtij viti.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • B*3: 10/02/2025 12:36

    BRAVO, BRAVO! Tregoni me prova historine e nje populli me trashegimi te madhe.

    Përgjigju
  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

Kroacia: Nisma ushtarake me Shqipërinë dhe Kosovën, e hapur edhe për partnerët

Kroacia: Nisma ushtarake me Shqipërinë dhe Kosovën, e hapur edhe për partnerët

26 Mars, 07:46