POP 5

Lajmet më të lexuara të 5 minutave të fundit

Kronikë

Armët në Nigeri, zv/ministri
Spahia hesht mbi skandalin e SHIU-t

Zv/ministri i Mbrojtjes, Ekrem Spahia, u shfaq sot përpara gazetarëve për folur mbi procesin e demontimit të municioneve të tepërta, por pavarësisht nga interesi i lartë mediatik zgjodhi të heshte në lidhje mbi hijet e skandalit të tregtisë së armëve që kanë përfshirë kohët e fundit këtë institucion e që çuan në dorëheqjen e kreut të Shërbimit Informativ Kombëtar, Ylli Zyla.
TIRANE - Zv/ministri i Mbrojtjes, Ekrem Spahia, u shfaq sot përpara gazetarëve për folur mbi procesin e demontimit të municioneve të tepërta, por pavarësisht nga interesi i lartë mediatik zgjodhi të heshte në lidhje mbi hijet e skandalit të tregtisë së armëve që kanë përfshirë kohët e fundit këtë institucion e që çuan në dorëheqjen e kreut të Shërbimit Informativ Kombëtar, Ylli Zyla.

I pyetur nga gazetarët në lidhje me tregtinë e armëve me Nigerinë, Spahia u kufizua të theksonte se “Shërbimi Informativ i Ushtrisë (SHIU), është një institucion shumë i rëndësishëm i Ministrisë së Mbrojtjes dhe ka marrë vlerësime maksimale për punën nga partnerët tanë ndërkombëtarë”.
Ndonëse Ministria e Mbrojtjes ka refuzuar dy herë kërkesën e Komisionit parlamentar të Sigurisë Kombëtare për të kontrolluar vendimmarrjen në këtë institucion, Spahia këtë të shtunë preferoi të mos jepte shpjegimeve, duke dhënë vetëm një përmbledhje të shifrave të demontimit.

Sipas zv/ministrit, “ndër arritjet kryesore për muajin qershor 2012, veçojmë:
1. Janë asgjësuar 2.826 ton.
2. Ka përfunduar asgjësimi masiv i municioneve në poligonet e hapura.
3. Ngritja / përshtatja dhe vënia në punë e 7-linjave të demontimit industrial.
4. Boshatisja dhe reduktimi i 3 grup-depove të municionit (Lozhan-Korçë, Konizbaltë-Berat dhe Bratilë-Gramsh), sipas planit dhe prioriteteve të Forcave të Armatosura.
5. Për 6- mujorin e parë 2012 kemi arritur të demilitarizojmë 13,092 ton municione të llojeve dhe kalibrave të ndryshëm”.

Spahia nënvizoi se “nga sasia prej 13,092 ton municione të asgjësuar, gjatë 6-mujorit të parë të vitit 2012, 2,621 ton municione janë shitur për eksport dhe me të ardhurat e përfituara është financuar një pjesë e kostos së demontimit industrial të municioneve në uzina”.

(im/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Kush janë ministrat e qeverisë Kurti që u pasuruan më shumë për 4 vite

Kush janë ministrat e qeverisë Kurti që u pasuruan më shumë për 4 vite

28 Janar, 21:15