Armand Duka fija lidhëse e oligarkut kryesor të Putinit me Tiranën, pjesë e listës së zezë së SHBA-ve

Armand Duka fija lidhëse e oligarkut kryesor të Putinit me Tiranën, pjesë e listës së zezë së SHBA-ve

Kreu i FSHF-së Armand Duka dhe oligarku rus Megdet Rahimkulov

Beu i futbollit Armand Duka e sheh median me syrin e aleatit të tij të ri, Sali Berishës: Mediat argate që i bëjnë fresk dhe hapësirat raportuese mediatike armike, të cilat kanë pasqyruar perandorinë e aferave në FSHF.

Vendimi për të mos lejuar kolegun Ernest Koçi të Report Tv, për të ndjekur ndeshje Shqipëri-Gjeorgji si gazetar, është demostrim i hakmarrjes së verbër dhe i mentalitetit të trajtimit të futbollit si biznesin familjar të pularisë. Akreditimi i gazetarëve për ndeshjet e kombëtares duhet të ishte thjeshtë një akt formal i FSHF-së. Refuzimi arbitrar konfirmon njësimin e FSHF-së dhe stadiumit me pularinë.

Një sjellje e tillë është tipike sovjetike dhe putiniste. Dhe meqë ra fjala, Armand Duka është një nga fijet gati të padukshme të oligarkëve të Putinit në Tiranë. Armand Duka është pjesë e Këshillit Mbikëqyrës të OTP Bank në Shqipëri, e cila është degë e Grupit Hungarez OTP.

Aksioner kryesor i Grupit Hungarez OTP dhe rrjedhimisht edhe i degës OTP në Tiranë është Megdet Rahimkulov, një oligark rus, i skeduar nga amerikanët për lidhje të forta me Putinin.Rahimkulov ka qenë edhe drejtor ekzekutiv i Gazprom, i Panrusgaz dhe i disa bankave të nivelit të dytë, të cilat qarkullojnë para të dyshimta.

Oligarku i listës së zezë së SHBA-ve ka tentuar që nga viti 2003 për të investuar në Shqipëri dhe ndoshta për të lëvizur disa fije të politikave të Putinit.

Megdet Rahimkulov, bankën të cilit e ‘mbikëqyr’ Armand Duka në Shqipëri, është në listën e sanksioneve të Departamentit të Thesarit të SHBA-së së bashku me dhjetëra oligarkë të afërt të Putinit.Rahimkulov konsiderohet nga amerikanët mes 6 grupeve financiare më të fuqishëm në Rusinë e Vladimir Putin.

Megdet Rahimkulov është identifikuar nga amerikanët si pjesë e fuqisë financiare dhe vepruese të Putinit për të ndërhyrë nëpër demokracitë në botë.

Ndaj nuk është për t’u çuditur nga fakti që Duka prej dy dekadash nuk i ka caktuar pagë vetes si kryetar i FSHF. Në disa rrethana paga mund të të prishë punë!

Dokumenti që tregon që Armand Duka është anëtar i pjesë e Këshillit Mbikëqyrës të OTP Bank në Shqipëri

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hanna: 31/03/2022 23:23

    Adriatik bravo qe informon ne kohe reale! Armand Duka eshte iniciator I luftes Rusi-Hungari Te denohet per krime ne Hag!

    Përgjigju
  • Arbërori: 30/03/2022 08:59

    Ky Armand mafiozi mbrohet nga kryemafiozi prorus E K Vuçiçi

    Përgjigju
  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit