Armand Duka tregon se kur do të ikë
De Biasi nga kombëtarja shqiptare

Trajneri italian Gianni De Biasi duket se i ka ndeshjet e numëruara me kombëtaren shqiptare, pasi një gjë të tillë e ka lënë të nënkuptohet presidenti i FSHF, Armand Duka. Kreu i qeverisë së futbollit shqiptar në një intervistë për mediat ndërkombëtare deklaroi se ka një marrëveshje paraprake me teknikun, që mund ta lerë të largohet nëse i vjen një ofertë e mirë dhe një gjë e tillë nuk përjashtohet pas paraqitjes me kuqezinjtë.
 
“Trajnerit i thashë prej fillimit, se në rast të një oferte joshëse për karrierën e tij, do ta linim të lirë të largohej”tha Duka.
 
Përsa i përket ndeshjes me Francën, Duka u shpreh se kundërshtari është mjaft i fort, por shpresojmë të paraqitemi mirë dhe se do të japim gjithçka në fushë. “Nuk kemi asgjë për të humbur edhe nëse nuk e kalojmë grupin jemi të kënaqur me pjesëmarrjen”përfundoi ai.


d.b/shqiptarja.com