Kryeministri Rama ishte sot pjesëmarrës në Samitin e 8-të të Komunitetit Politik Europian. që u zhvillua në Jerevan të Armenisë. 

“Është një tjetër samit, Samiti i Komunitetit Politik Europian dhe një tjetër mundësi për të ndarë ambiciet dhe shqetësimet tona të përbashkëta. Ndërkohë, është një tjetër shans i madh për të parë se sa mund të bëjmë së bashku dhe sa e rëndësishme është te ecet përpara me bashkimin e Europës. Duhet të shohim se çfarë qëndron realisht pas dhe ndërkohë është e qartë, që kështu siç janë gjërat, NATO-ja duhet të mbështetet më shumë në pjesën europiane”, tha Rama.

Teksa hyri në kompleks, Rama shkëmbeu përshëndetje me kryeministrin armen, Nikol Pashinyan.

Kreu i qeverisë shqiptare mbërriti mbrëmë në vendin e takimit në Yerevan në të njëjtën kohë me shefin e NATO-s, Mark Rutte dhe kryeministren italiane, Giorgia Meloni.

Ky takim i 8-të ka mblodhi udhëheqës nga i gjithë kontinenti në Jerevan të Armenisë, nën moton "Ndërtimi i së Ardhmes: Uniteti dhe Stabiliteti në Evropë".

Samiti u bashkëkryesua nga nga António Costa, Presidenti i Këshillit Evropian, dhe Nikol Pashinyan, Kryeministri i Armenisë.

48 krerë shtetesh dhe qeverish ishin të ftuar të merrnin pjesë në këtë takim të tetë të Komunitetit Politik Evropian, mes të cilëve 27 vendet anëtare të BE-së, Shqipëria, Kosova dhe vendet e tjera të rajonit, ndërsa për herë të parë, në këtë samit do të marrë pjesë dhe një shtet jo-evropian si Kanadaja.

Axhenda
09:00- Mbërritjet
10:45- Ceremonia e hapjes/ Foto familjare
11:30- Hapja e seancës plenare plenare
12:45- Dreka joformale/ Takime dypalëshe dhe shumëpalëshe
14:15- Diskutime në tryezë të rrumbullakët
15:15- Takime dypalëshe dhe shumëpalëshe
16:00- Seanca plenare përmbyllëse
16:30- Deklarata për shtyp

Komuniteti Politik Evropian është takuar deri më tani shtatë herë. Vitin e kaluar Saminit u mbajt në Shqipëri më datë 16 maj ndërsa i fundit është zhvilluar më 2 tetor në Danimarkë. Takimi i radhës i samitit të Komunitetit Politik Evropian do të zhvillohet në Irlandë në nëntor 2026.

Rendit zhvillimet sipas orarit:
Ora 19:59
Krah Macron, Melonit dhe Albin Kurtit, kryeministri Rama publikon fotografi nga Samiti i 8-ë i Komunitetit Politik Europian

Kryeministri Edi Rama ka postuar në rrjetet sociale disa fotografi nga Samiti i 8-ë i Komunitetit Politik Europian, që po mbahet në Yerevan të Armenisë.

Nga fotografitë duket se Rama qëndron shumë pranë presidentit francez Emmanuel Macron, Presidentes së Komisionit Europian, Ursula von der Leyen, kryeministres italiane Giorgia Meloni, por edhe kryeministrit të Kosovës, Albin Kurti.

Në Samit marrin pjesë 48 krerë shtetesh dhe qeverish, mes të cilëve 27 vendet anëtare të BE-së, Shqipëria, Kosova dhe vendet e tjera të rajonit, ndërsa për herë të parë, në këtë samit do të marrë pjesë dhe një shtet jo-evropian si Kanadaja.

 

R.Xh/Shqiptarja.com

Ora 10:53
Fotoja familjare në samitin e Komunitetit Politik Europian, Rama e Meloni, të qeshura e përqafime mes tyre

Liderët botërorë realizuan foton familjare për samitin e Komunitetit Politik Europian që zhvillohet në Armeni. Ndërsa të gjithë përgatiteshin për të pozuar, kryeministri Edi Rama dhe homologia italiane, Giorgia Meloni janë kapur duke shkëmbyer batuta.

Shefi i qeverisë ndodhet në rreshtin e parë, krah presidentit të Ukrainës Volodymyr Zelensky, ndërsa më pas afrohet Meloni. Në këtë moment Rama dhe Meloni shkëmbejnë disa batuta dhe një përqafim të ngrohtë, ndërsa më pas pozojnë për foton familjare.

1777884720_ediramadhemeloni.jpg

 

SI.E./Shqiptarja.com

Ora 08:45
Rama pritet nga kryeministri armen Nikol Pashinyan në Samitin e Komunitetit Politik Europian

Pas përfundimit të deklaratës për shtyp, kryeministri Rama hyri në vendtakimin ku do të mbahet Samiti i 8-të i Komunitetit Politik Europian, ndërsa u mirëprit nga kryeministri armen, Nikol Pashinyan për të shkrepur edhe foton familjare.

P.J/Shqiptarja.com

Ora 08:37
Rama mbërrin në Samitin e Komunitetit Politik Europian: E rëndësishme të vijohet me unifikimin e Europës! BE i paplotë është më i dobët (VIDEO)

 

Kryeministri Rama ka mbërritur në takimin e Komunitetit Politik Europian në Yerevan të Armenisë, të cilin, në një deklaratë për shtyp, e cilësoi si një mundësi për të treguar sa i rëndësishëm është unifikimi i Europës.

“Është një tjetër samit, Samiti i Komunitetit Politik Europian dhe një tjetër mundësi për të ndarë ambiciet dhe shqetësimet tona të përbashkëta. Ndërkohë, është një tjetër shans i madh për të parë se sa mund të bëjmë së bashku dhe sa e rëndësishme është te ecet përpara me bashkimin e Europës.
Duhet të shohim se çfarë qëndron realisht pas dhe ndërkohë është e qartë, që kështu siç janë gjërat, NATO-ja duhet të mbështetet më shumë në pjesën europiane”, tha Rama.

I pyetur se çfarë mund t’u ofrojë BE vendeve që aspirojnë anëtarësimin, Rama tha se kjo lidhet me forcimin e Europës.

“Nuk ka të bëjë me ofrimin e diçkaje për dy apo më shumë vende, por ka të bëjë me të menduarit e të vepruarit shpejt, sepse ka të bëjë me vetë Europën, me vetë Bashkimin Europian. Një Bashkim Europian që nuk është i plotë, është më i dobët dhe është më i cenueshëm sesa një Bashkim Europian i cili është i plotë”, përmbylli Rama.

P.J/Shqiptarja.com