Armenia kujton 100 vjetorin e
“vrasjeve masive” nga Osmanët

Në Armeni është përkujtuar 100 vjetori i vrasjes së armenëve nga Perandoria Osmane. Dhjetëra, mijëra persona kanë marshuar në një memorial në dalje të kryeqytetit Yeravan dhe kanë vendosur lule. Më vonë, presidenti i Rusisë, Vladimir Putin dhe ai i Francës, Hollande ishin mes liderash që morën pjesë në ceremoni.
 
Turqia nga ana tjetër kundërshton fuqishëm termin “gjenocid” mbi përshkrimin e vrasjeve masive dhe kjo çështje ka acaruar marrëdhëniet mes Turqisë dhe Armenisë. Turqia argumenton se ka patur mjaft vdekje nga të dyja palët gjatë Luftës së Parë Botërore. Një shërbim përkujtues është mbajtur gjithashtu edhe në Turqi, pasi kryeministri Ahmet Davotoglu është shprehur se vendi “do të ndajë dhimbjen” e armenëve, pavarësisht se mbështet faktin se vrasjet nuk kanë qenë gjenocid. 

Kisha Armene pretendon se 1,5 milion të krishterë armenë janë vrarë në masakër dhe janë shpërngulur nga shtëpitë e tyre. Debati mbi “gjenocidin armen” ka shkaktuar reagime të forta mes Turqisë dhe mjaft vendeve perëndimore si Vatikani, Franca, Austria dhe Gjermania që e cilësojnë masakrën si një gjenocid, ndërsa Turqia refuzon të përdoret një term i tillë, pasi historia dhe ligji sipas tyre provojnë të kundërtën.


Redaksia Online
(o.b/ Shqiptarja.com)