POP 5

Lajmet më të lexuara të 5 minutave të fundit

Sociale

Arqipeshkv i ri i Tiranës dhe Durrësit, Arjan Dodaj zbulon si e mësoi lajmin nga Papa Françesku, arsyeja e veçantë pse zgjodhi ta bënte publike këtë ditë dhe një mesazh për politikën

 

 Arqipeshkv i ri i Tiranës dhe Durrësit, Arjan Dodaj ka zbuluar se ai ka mësuar lajmin nga Papa Françesku para 10 ditësh, por zgjodhi që të bëhej publike n këtë datë, për një arsye të veçantë.

"Ka pothuajse 10 ditë që më është komunikuar emërimi im, thjeshtë ati i shenjtë më ka pyetur kur dëshiroja që të ishte publike kjo datë dhe unë kam preferuar që të jetë pikërisht sot festa e Shën Andreas edhe për me të vërtet për ate shpirt që ka midis nesh në dialogun ekumenik me vëllezërit e kishës Ortodokse me vëllezërit e  tjerë të krishterë sepse Shqipëria siç e kam cituar dhe sot ndërsa përshëndesja përurimin ka qenë gjithmonë një vend ure midis lindjes dhe perëndimit dhe kështu që me të vërtet të jemi me të vërtet të jemi në një farë mënyre një arsye e asaj vlere më të madhe që ka Shqipëria që është uniteti midis nesh, është dialogu ndërfetar, është harmonia dhe është pikërisht kjo që është më e mira që kemi nevojë ne', tha ai në fjalimin e parë pas marrjes së detyrës.

Ai ka pasur edhe një mesazh për politikën shqiptare.  

"Ne të gjithë mund të bëjmë më shumë duke filluar nga unë e mendoj që politika shqiptare si populli shqiptar, si çdo njeri ka nevojë, të gjithë pra ne kemi nevojë me të vërtet të zbulojmë në vetvete prezencën e zotit. Në momentin që dëgjojmë pak më shpesh zërin e ndërgjegjes atëherë nuk do të dimë më të kthejmë kokën nga ana tjetër kur kemi dikë që na kërkon diçka. Nuk do të dimë më të ndalemi vetëm në rrethin e mirësisë tonë kur kemi një që na lëshon një britmë nevoje ose diçka tjetër, mesazhi është thjeshtë që ta dëgjojmë pak më shumë ndërgjegjen tonë dhe zërin e Zotit", tha ai. 

Dodaj ka zbuluar edhe momentin kur është lidhur me fenë.

"Unë jam bir i breznisë sime dhe vij nga një konkest ku feja ishte e mohuar, kemi dalë nga komunizmi pa fe, por unë isha në dëshirën dhe zellin e të panjohur, por nuk e dija që e panjohura ishte hyj. Mirëqenia shpirtërore, familjare, kjo i mungon Shqipërisë, unë e kam takuar fesë, nëpërmjet fesë së emigrimit, por falenderoj Zotin. Mua më ka shënjuar kalimi në diktatura në fillim demokracie të brishtë, demostrata, më ka shënjuar që kam marrë nga shumë njerëz. Në rastin konkret është kalimi i përgjegjësive dhe ne do e bëjmë këtë të shtunën në 22 janar në orën 10:00. Feja dhe besimi janë arsye shprese", tha ai në deklaratën e parë për mediat.


Lajmi kryesor:

Imzot Arjan Dodaj emërohet nga Papa Arqipeshkv i Kishës Katolike: Politika shqiptare të dëgjojë më shpesh zërin e ndërgjegjes! Imzot Frendo jep dorëheqjen: Koha për një bari më të ri
B.K./r.k./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03