Arratisja e të dënuarit nga salla e gjyqit, shoqërohen policët që ruanin Mikel Kasën

Prokuroria e Vlorës ka nisur hetimet pas arratisjes së një të dënuari nga ambientet e Gjykatës së Vlorës. Tre policë të burgjeve po merren në pyetje dhe sipas të gjitha gjasave ata do të vihen para përgjegjësisë ligjore.

Mikel Kasaj është emri i dënuarit që u arratis nga Gjykata e Vlorës në momentin që po lexohej masa e dënimit nga gjyqtari i seancës. Report Tv siguroi videon e momentit të arratisjes. 

Në njoftimin e policisë për këtë ngjarje thuhet se:

LEXO EDHE:
Zgjedhjet parlamentare në Maqedoni, Ali Ahmeti: Kemi siguruar 19 mandate

Më datë 23.05.2018, rreth orës 10:25, Salla Operative Vlorë është njoftuar se prej ambienteve të Gjykatës Vlorë ku shërbimet e IEVP-së kishin dërguar për masë sigurie shtetasin Mikel Kasa, 29 vjeç, ky i fundit është arratisur.

Shërbimet policore të IEVP-së gjatë shoqërimit të këtij shtetasi në ambientet e Gjykatës nuk kanë kërkuar mbështetjen e forcave policore të DVP Vlorë. Aktualisht nga ana e Drejtorisë Vendore e Policisë Vlorë janë ngritur disa grupe kontrolli dhe po bëhet krehja e zonës me qëllim kapjen dhe ndalimin e këtij shtetasi.

Policia kërkon bashkëpunimin dhe ndihmesën e çdokujt që e sheh shtetasin e dënuar Mikel Kasaj, 29 vjeç, i cili ditën e sotme mundi të arratisej nga ambientet e Gjykatës Vlorë, të telefonojnë në numrin e telefonit 129. Ky shtetas në momentin e arratisjes ka pas veshur një palë pantallona të zeza dhe një bluzë rozë.

TAG:
• arratisje nga gjykata e vlores
• mikel kasa

Sondazhi i ditës:

Propozimi i PS, a na duhet një reformë e re anti-korrupsion?

• Po

  68.3%

• Jo

  24.4%

• Nuk e di

  7.3%

Vota total: 2508

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di