TIRANE - Mos ekzekutimi i urdhër arrestit për deputetin Mark Frroku i interpolit belg nga Interpol Tirana për prokurorinë shqiptare është konsideruar shkelje administrative, e për pasojë ka pushuar hetimet për 3 zyrtarët e policisë të akuzuar për shpërdorim detyre. Nën akuzë për fshehjen e urdhër arrestit u vunë Artan Bajraktari shefi i Interpol Tiranës, specialistia Loreta Alla dhe ish nurmi një i policisë së shtetit Artan Didi.

...
Pesë muaj nga arrestimi i shefit të Interpol Tiranës Artan Bajraktari dhe specialistes Laureta Alla, Prokuroria e Tiranës mbyll hetimet për veprën penale të shpërdorimit të detyrës.

Po ashtu, hetimet janë mbyllur dhe për ish-kryepolicin Artan Didi i cili dha dorëheqjen pas skandalit për fshehjen e urdhër arrestit ndërkombëtar të shtetit belg që kërkonte arrestimin e deputetit Mark Frrokut.

Kjo akuzë u mohua nga Bajraktari i cili pati deklaruar gjatë masës së sigurisë se sapo ishte vënë në dijeni për urdhër arrestin ja kish përcjell strukturave eprore.

Burime nga Prokuroria e Tiranës thanë për A1Report se pas hetimeve ka rezultuar se 3 zyrtarët e policisë nuk kanë konsumuar element të veprës penale të “shpërdorimit të detyrës”, por sipas hetuesve janë konstatuar shkelje administrative.

E për këto shkelje dosja në ngarkim të dy zyrtarëve të policisë dhe ish kryepolicit i është transferuar për kompetencë Drejtorisë së Policisë për masa administrative.

Kërkesa e Interpolit belg për arrestimin e deputetit Mark Frroku të hetuar për vrasjen e Aleksandër Kurtit në vitin 1999 në Bruksel nuk u ekzekutua asnjëherë, por ai u prangos pas nisjes së një procedimi penal nga prokuroria shqiptare për të njëjtën vrasje.

Aktualisht Frroku ndodhet në burg, ndërsa Bajraktari e Alla pas arrestimit u lanë të lirë dhe së bashku me ish eprorin e tyre Artan Didi që dha dorëheqjen janë larguar nga strukturat aktive të policisë.

Pjesë nga vendimi i pushimit për Artan Bajraktari dhe Loreta Alla, zyrtarë të Interpol Tirana
 
….. Nga hetimi rezultoi se dy punonjesit e Zyres Qendrore Kombetare Interpol Tirana shtetesja Loreta Alla me detyre specialiste si dhe shtetasi Artan Bajraktari me detyre Shef Sektori, gjate detyres se tyre funksionale, kane vepruar ne kundershtim me dispozitat ligjore, te cilat normojne punen e tyre, duke mosvepruar brenda afatit ligjor (menjehere/ brenda 5 diteve nga marrja dijeni), ne kryerjen e procedurave per venien ne dispozicion te praktikes, organeve kompetente Prokurori e Pergjithshme /Ministri e Drejtesie, me qellim vazhdimin e metejshem te procedurave ligjore per ekzekutimin e mases shtrenguese te kerkuar nga autoriteti i huaj i drejtesise belge.

Veprimet e tyre bien ne kundershtim me nenin 38/1 te ligjit nr.10193 date 03.12.2009 “Per marredheniet juridiksionale me autoritetet e Huaja ne Ceshtjet Penale”, ku thuhet shprehimisht se; “ 1. Zyra e Interpolit , me marrjen e nje urdheri nderkombetar arresti, nga nje shtet i huaj kunder nje shtetasi shqiptar, ne te cilen deklarohet qellimi i shtetit kerkues per ekstradimin e personit, menjehere dhe gjithsesi, brenda 5 diteve , ia percjell Ministrise se Drejtesise. 2. Ministria e Drejtesise, brenda 5 diteve nga marrja e urdherit nderkombetar , ia percjell Prokurorit te Pergjithshem” si dhe me ligjin nr.108/2014 “Per policine e shtetit” dhe Rregullores nr.759 date 21.05.2008 “Per funksionimin e Zyres Qendrore Kombetare-Interpol Tirana.

Megjithate nga hetimi rezultoi se kjo vonese ne percjelljen e praktikes organeve kompetente nuk eshte bere me dashje nga dy punonjesit e Interpol Tiranes, por per nje shkak objektiv qe kishte te bente me verifikimin e dy email-ve te dates 08.01.2015 dhe 23.01.2015 ne sistemin e brendshem dhe komunikimit me qendren e Interpolit ne Lion France. Meqenese ky verifikim kerkonte kohe, praktika eshte bere e mundur te percillet disa dite (4 dite) jashte afatit ligjor, pikerisht me date 27.03.2015, nje dite pas dhenies se autorizimit per arrestimin nga Kuvendi i Shqiperise per shtetasin Mark Frroku, i dyshuar per vepra penale te kryera brenda territorit shqiptar. Gjithashtu si rezultat i ketij mosveprimi ne afatin ligjor, dy personat nen hetim nuk kane patur per qellim te favorizojne interesat personale apo te te treteve, por prioritet ka qene saktesimi i informacionit te percjelle nga Interpol Brukseli drejt Interpol Tiranes. 

Sic rezulton veprimet e mosveprimet e personave nen hetim Loreta Alla e Artan Bajraktari jane kryer ne shkelje te dispozitave ligjore te sipermendura, pra perbejne shkelje te ligjit, por duke patur parasysh natyren e shkeljes te evidentuar me lart, organi i akuzes arrin ne konkluzionin se kjo shkelje do te konsiderohet si shkelje e natyres me karakter administrativ, duke e renditur ne kategorine e kundravajtjes administrative dhe jo shkelje te ligjit ne kuader te se drejtes materiale penale.

Per rrjedhoje ndjekja penale ndaj dy personave nen hetim Loreta Alla dhe Artan Bajraktari nuk duhet te vazhdoje me dhe procedimi penal ndaj tyre duhet te pushohet.

Redaksia Online
(Gre.M/Shqiptarja.com)