POP 5

Lajmet më të lexuara të 5 minutave të fundit

Kronikë

Arrestimet e Metës dhe Çyrbjas, Apeli i GJKKO cakton të njëjtën gjyqtare për ankimimet! Po ashtu edhe për Kryemadhin, ja emri i magjistrates

Caktohet në Apelin e GJKKO-së gjyqtarja që do të shqyrtojë ankimin e ish-deputetit të PS Jurgis Çyrbja, për masën e sigurisë arrest me burg, por edhe atë të presidentit të Partisë së Lirisë, Ilir Meta dhe deputetes Monika Kryemadhi. Shorti ka caktuar gjyqtaren Igerta Hysi për të dyja dosjet e vlerësimit të apelimeve nga palët mbrojtëse

Arrestimet e Metës dhe Çyrbjas, Apeli i GJKKO cakton të njëjtën gjyqtare për ankimimet! Po ashtu edhe për Kryemadhin, ja emri i magjistrates

Ilir Meta pas arrestimit

Tiranë- Gjyqtarja Igerta Hysi do gjykojë ankimin e ish-deputetit të PS Jurgis Çyrbja, për masën e sigurisë arrest me burg, por edhe atë të presidentit të Partisë së Lirisë, Ilir Meta dhe deputetes Monika Kryemadhi, në gjykatën e Apelit të GJKKO-së.

Shorti elektronik ka caktuar pikërisht magjistraten Hysi për të dyja dosjet e vlerësimit të apelimeve nga palët mbrojtëse, që pretendojnë ndryshimin e masës dhe lirimin e klientëve.

Gazetarja e Report TV, Keti Banushi, informon se e njëjta gjyqtare është caktuar nga shorti për të shqyrtuar dhe ankimin e ish-presidentit Ilir Meta dhe deputetes Monika Kryemadhi.

Masa e sigurisë ndaj Ilir metës dhe Kryemadhit u dhanë më 23 Tetor nga GJKKO, "arrest me burg" për të parin dhe "detyrim paraqitjeje" për të dytën. Meta u arrestua më 21 Tetor, pranë "Kthesës së Kamzës", teksa po kthehej nga Kosova. Meta po hetohet për lobimin në SHBA dhe aferën CEZ-DIA. 

GJKKO ka caktuar masën arrest shtëpie për Pirro Xhixhon, ish-kreu i AKEP, dhe babai i nënkryetares së Partisë së Lirisë, Erisa Xhixho si dhe detyrim paraqitje është caktuar edhe për Ema Çokun, një person i afërt me Monika Kryemadhin. 

Masat  e sigurisë konkluduan një hetim 5 vjeçar të nisur në vitin 2019, njoftoi zyrtarisht pasditen e 21 tetorit Prokuroria e Posaçme kundër Korrupsionit dhe Krimit të Organizuar.

Kurse ish-deputeti i PS, Jurgis Çyrbja, i zonës Durrës-Shijak, u arrestua më 20 Tetor me urdhër të SPAK, pas hetimeve të platformës së koduar SKY ECC, ku mbante komunikime me grupe kriminale dhe konkretisht me Altin Hajrin, pronarin e kompleksit "Golden", i shpallur në kërkim për rrëmbimin dhe zhdukjen e Jani prengës, më 2020. masa "arrest me burg" ndaj tij u dha më 22 Tetor nga GJKKO, teka ka bërë ankimim në Apel.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35