Arrestimi i Çervanakut për laboratorin e kokainës në Fier/ Rithemelimi: Politika e përfshirë, droga transportohej me kamionët e ushtrisë në Mal të Zi

Rithemelimi ka reaguar për arrestimin e ish kryetarit të Komunës Farkull, Viktor Çervanaku i cili akuzohet si i përfshirë në prodhimin e lëndës narkotike ‘kokainë’ pas zbulimit të laboratorit të kokainës në banesën e tij në Fier.

Shefi i Organizimit të ‘Rithemelimit’, Klevis Balliu e përcaktoi Çervanakun si shëmbëlltyrën ideale të pushtetit të kryeministrit, Edi Rama.

“Një sharës publik, patronazhist me licensë, adhurues/shërbëtor i Edi Ramës dhe nëpunës në bashkinë e Erion Veliajt, ka rënë dje në rrjetën e DEA-s amerikane, si pjesë e një grupi narko-trafiku.   Viktor Çervanaku, që u kap si mi nga amerikanët, nuk është thjesht një zyrtar socialist i korruptuar, ai është shëmbëlltyra ideale e pushtetit të Edi Ramës”-tha Balliu.

Balliu shtoi gjithashtu se Viktor Çervanaku nuk do të kapej asnjëherë nëse nuk do të kishte ndërhyrë DEA Amerikane dhe shtoi se politika ishte e përfshirë në trafikun e kokainës së zbuluar pasi lënda narkotike transportohej me kamionët e ushtrisë. 

“Vini re gjithashtu: ai nuk do të kapej asnjëherë, dhe do të vazhdonte trafikun e kokainës, patronazhimin, lavazhin oral të shefave të tij në Tiranë, dhe linçimin e opozitës me gjuhë vulgare, po të mos ishte DEA Amerikane. Për policinë dhe organet ligjzbatuese shqiptare, beu i Frakullës dhe lapërdhari i bashkisë së Tiranës do të vazhdonte i qetë trafikun, si mënyrën kryesore të këtij pushteti për të vjedhur zgjedhjet dhe varfëruar shqiptarët. Raportimet dëshmojnë se droga trasportohej me kamionet e ushtrisë drejt Malit te Zi, çka vërteton implikimin direkt te politikes ne narkotrafik”- u shpreh Balliu.

430 kg drogë u zbuluan nga policia shqiptare në bashkëpunim me atë malazeze dhe DEA-n Amerikane gjatë ditës së djeshme. Lënda narkotike ishte e fshur në thasët me pleh kimik që transportohej nga kamionët e ushtrisë. Në pranga ra Viktor Çervanaku, ish kryetar i Komunës Frakull pasi në banesën e tij në Fier u zbulua një laborator kokaine.

Viktor Çervanaku, ish-kryetar i Komunës Frakull e Madhe në Fier, është arrestuar nga Policia pasi në banesën e tij u zbulua një laborator kokanë. Porositësi i kësaj sasie është Zenel Çervanaku, i cili mendohet se është vëllai nga babai. Po ashtu, në pranga ka rënë dhe djali i Viktor Çervanakut dhe e fejuara e tij, Demilson Çervenaku dhe Enxhi Ferhati, ndërkohë që roli i tyre në këtë veprimtari nuk dihet se cili është. Policia dhe SPAK janë vënë në kërkim të “ekspertit” kolumbian Zaimir Rodrigez, i cili dyshohet se kishte ardhur në Shqipëri për të bërë ndarjen e kokainës nga plehu kimik.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niko: 25/11/2022 21:41

    Foli i biri i Fari komunistit... e di shtepia qe je budalla gje e trash..

    Përgjigju
  • aleksadros: 25/11/2022 15:56

    si ne nje kohe kure trasportonin nafte pere miloshevicin nga berisha

    Përgjigju
  • Sondazhi i ditës:

    Mendoni se Samiti i BE në Tiranë do përshpejtojë integrimin?



×

Lajmi i fundit

Messit mund t’i ndalohet hyrja në Meksikë, politikanët meksikanë kërkojnë shpalljen e tij ‘non-grata’

Messit mund t’i ndalohet hyrja në Meksikë, politikanët meksikanë kërkojnë shpalljen e tij ‘non-grata’