Arrestimi i Çyrbjes/ Siguronte sekrete shtetërore dhe ua jepte bosëve të krimit! Mister zyrtarët që i shërbyen ish-deputetit të PS, SPAK vijon hetimet për t’i zbuluar

Në gjithë historinë e implikimit të ish-deputetit të PS, Jurgis Çyrbja me bosët e krimit, ajo çfarë evidenton SPAK janë zyrtarë të paidentifikuar shtetërorë të cilët i kanë shërbyer Çyrbjes duke i dhënë sekrete shtetërore. Të paktën 7 herë, SPAK thotë se ata i kanë dhënë deputetit Çyrbja sekrete shtetërorë të cilat ai ua ka vënë në dispozicion personazheve të njohur të botës së krimit, si psh Altin Hajri.

Prokuroria e Posaçme ende nuk ka identifikuar se kush janë këta zyrtarë dhe hetimi po vijon për të bërë të mundur gjetjen e atyre që kanë zbuluar sekrete shtetërore në kundërshtim me ligjin. Të gjitha këto sekrete kanë rënë në duart e kriminelëve në kërkim ndërkombëtar, të cilëve ua ka vënë në dispozicion Çyrbja, që ata t'i shpëtonin hesapeve me drejtësinë. Nga ana tjetër, Çyrbja përdorte ndikimin e tyre për të siguruar vota. 

SPAK thotë se vepra penale “Zbulimi i akteve ose të dhënave sekrete”, është kryer të paktën 7 herë, por s’ka ende autor dhe hetimet për zbulimin e tyre po vijojnë.

Lajmi kryesor:

Sky ECC 'fundos' ish-deputetin e PS, Jurgis Çyrbja! SPAK: Shiti sekrete shtetërore te kriminelët e dekonspiroi policinë! Altin Hajri e shpërbleu me vota në 2021

SI.E./Shqiptarja.com

TAG:
• altin hajri