POP 5

Lajmet më të lexuara të 5 minutave të fundit

Kosova & Rajoni

Arrestimi i Haradinajt, Tirana
Zyrtare: Absurd, Franca ta lirojëMomentet e arrestimit në Francë

Tirana Zyrtare ka reaguar pas arrestimit nga autoritetet franceze të kryetarit të Aleancës për Ardhmërinë e Kosovës, Ramush Haradinaj, pas një urdhërarresti serb i lëshuar që në vitin 2004. Kryeministri Edi Rama e ka cilësuar skandaloze ndalimin e Haradinajt, ndërsa kritikon edhe Bashkimin Europian, të cilët sipas tij ende nuk kanë pastruar sistemin kompjuterik nga urdhërarrestet serbe. 
AAK për arrestimin e Haradinajt:Kjo faqe turpi të përfundoj këtu!
​Reagon Hashim Thaçi: Po punojmë për lirimin e Haradinajt
Haradinaj ishte në Francë për Euro 2016, pse nuk u arrestua?
​MPJ e Kosovës: E papranueshme, Haradinaj të lirohet sa më parë
Arrestohet në Francë ish-kryeministri Ramush Haradinaj
Arrestimi i Haradinajt, Tirana<br />Zyrtare: Absurd, Franca ta lirojëMomentet e arrestimit në Francë
Tirana Zyrtare ka reaguar pas arrestimit nga autoritetet franceze të kryetarit të Aleancës për Ardhmërinë e Kosovës, Ramush Haradinaj, pas një urdhërarresti serb i lëshuar që në vitin 2004. 

Haradinaj u ndalua një ditë më parë në aeroportin ndërkombëtar Bazel-Mulhouse, ndërsa u shoqërua për në stacionin policor të aeroportit, deri në marrjen e vendimit nga gjykata franceze. 

Kryeministri Edi Rama e ka cilësuar skandaloze ndalimin e Haradinajt, ndërsa kritikon edhe Bashkimin Europian, të cilët sipas tij ende nuk kanë pastruar sistemin kompjuterik nga urdhërarrestet serbe. 

"Ndalimi i Haradinajt një absurditet! E pabesueshme që urdhër-arrestet e Serbisë s'janë fshirë ende nga kompiuterat e BE-së #Skandaloze", shkruan Rama në rrjetet sociale. 

rama ne twitter
(Postimi i Kryeministrit në rrjetet sociale)

Edhe ministri i Punëve të Jashtme, Ditmir Bushati, ka dënuar ndalimin e Haradinajt nga autoritetet franceze. Ai është i drejtpërdrejtë në reagimin e tij kur i kërkon Francës lirimin e menjëhershëm të ish-kryeministrit të Kosovës.

Sipas Bushatit, kreu i AAK-së është shpallur i pafajshëm nga drejtësia ndërkombëtare për të gjitha akuzat e serbëve.

 “Ndalimi i Ramush Haradinajt në Francë bazuar në një urdhër arresti të 2004 të lëshuar nga Serbia, është i dënueshëm, kur dihet botërisht se drejtësia ndërkombëtare e ka çliruar atë nga të gjitha akuzat. I bëj thirrje autoriteteve franceze, si një prej shteteve me kontribut thelbësor për Kosovën shtet, të qartësojnë situatën duke liruar menjëherë Ramush Haradinajn.
 
Çdo përpjekje e Serbisë për të përbaltur luftën çlirimtare të Kosovës do të dështoj sikurse dështuan politikat genocidiste të Millosheviçit në Kosovë, të cilave Ramushi dhe UÇK-ja ju kundërvunë. Ky akt për fat të keq dëmton procesin e normalizimit të marrëdhënieve Kosovë-Serbi. Proces, i cili kërkon gjurmë provash të pakundërshtueshme, e jo përbetime artificiale, për të ecur me vendosmëri përpara, duke hequr dorë nga provokimet dhe aplikimi i metodave që s’kanë aspak lidhje me të ardhmen e përbashkët të Kosovës e Serbisë në familjen europiane”, ka deklaruar Bushati. 

Ndërsa kryetari i Kuvendit, Ilir Meta i ka kërkuar Francës të sqarojë pozicionin dhe të qartësojë rrethanat absurde të ndalimit të kryetarit të AAK-së. 

Meta thekson se ky veprim është i pakuptimtë, i paparanueshëm dhe nuk ndihmon frymën e dialogut dhe bashkëpunimit të deritanishëm mes Prishtinës dhe Beogradit.

Redaksia Online
l.q/Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Polarizimi politik në Ballkanin perëndimor dhe Europën lindore, studiuesit theksojnë rreziqet

Polarizimi politik në Ballkanin perëndimor dhe Europën lindore, studiuesit theksojnë rreziqet

21 Mars, 22:50