Arrestimi i ish-deputetit Alqi Bllako dhe përplasja me armë në Elbasan mes Talo Çelës dhe Nuredin Dumanit, Gledis Nano takim me Arben Krajën në SPAK

Drejtori i Përgjithshëm i Policisë së Shtetit, Gledis Nano, zhvilloi një takim me kreun e Prokurorisë së Posaçme, Arben Kraja, në ambientet e SPAK. Burime nga policia pohojnë se takimi  pati në fokus bashkëpunimin dhe diskutimin mbi ngjarjet e fundit, përfshirë edhe arrestimin e ish-deputetit Alqi Bllako. Ky i fundit doli sot para GJKKO, ku do u la në burg.

Fokus diskutimi është edhe ngjarja e datës 29 mars në Papër të Elbasanit, Ku Nuredin Dumani tentoi t'i bënte atentat Talo Çelës, por mbeti vetë i plagosur. Në takim është diskutuar edhe mbi pistat e hetimit për ngjarjen, personat e dyshuar të përfshirë në atentat e më gjerë.

Për arrestimin e Bllakos u raportua të enjten, megjithatë ngjarja u mbulua nga një mister. Të gjithë kaosin e krijuar, Policia e Shtetit dhe Prokuroria e Posaçme, u munduan ta qartësojnë dje me dy njoftime zyrtare, disi kontradiktore, duke lënë sërish pikëpyetje mbi arrestimin e ish-deputetit Alqi Bllako, të vënë në akuzë për aferën e inceneratorit të Fierit. 

Policia e Shtetit tha se Alqi Bllako është vetëdorëzuar në Drejtorinë e Policisë së Tiranës që prej mbrëmjes së të enjtes, duke hedhur poshtë çdo pretendim që u ngrit nga mungesa e informacionit zyrtar, se ish-deputeti mund të ishte arratisur. Por SPAK në një deklaratë tha se masa e “arrestit me burg” që GJKKO caktoi të enjten pas dreke, është ekezkutuar nga policia në orën 03:30 të mëngjesit të 1 prillit. Në mesin e këtyre pikëpyetje që njoftimet zyrtare lënë, Report Tv mësoi dje përmes burimeve konfidenciale, se Bllako është paraqitur i vetëm në drejtorinë e policisë pak para mesnate, dhe më vonë ka shkuar edhe avokati, Sokol Hazizaj. Shkresat zyrtare për ekzekutimin e vendimit të gjykatës janë mbyllur në orët e para të mëngjesit.

Ndërkohë Nuredin Dumanit iu dha dje  masa 'arrest me burg'. Dumanit iu komunikua masa në spitalin e Traumës në Tiranë, ku po merr mjekim, pasi mbeti i plagosur në përplasjen me armë zjarri që pati me Talo Çelën në Papër të Elbasanit. Dumani u vu në pranga para dy ditësh vetëm pak orë pasi ishte plagosur pas përplasjes me armë që pati me Talo Çelën në Papër të Elbasanit. Pas atentatit ai u plagos dhe u strehua në Fier, por që u kap nga policia. 

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Scutari: 02/04/2022 21:47

    Kush e thote qe deshi t`i bente atentat Talo Çeles??! Kush e pa Talon?!

    Përgjigju
  • Turp: 02/04/2022 14:19

    Ky vend i varfer e shefat e policis me range rovera nga 70 mij euro

    Përgjigju
  • Roni: 02/04/2022 13:38

    Gledis Nano, ca do me ate fosilin Tonin Vocaj ? Tonini eshte skuth kategorie nderkombetare ! Ruaju virusit TVOCAJ1N1

    Përgjigju
  • Drini: 02/04/2022 11:48

    Gledis, flet drejtori i Policise se Tiranes, mos e harro kete. Ka nje jete qe kete pune ben, skuthin. Pyet Niko Brahimaj dhe Ben Dashin se te tregojnee ata cfare gafe ke bere qe emerove si kryepolic te Tiranes nje analfabet.

    Përgjigju
  • Gledis Tonin: 02/04/2022 11:32

    Aman nxirrni ke te doni, vetem ate Tonin Vocin Mos e nxirrni ne foto se eshte me kriminel se cdo kriminel qe publikoni ne media , ska as altin dardha as aldo bare a hakmarrja As bandat e durrsit e vlores e shkodres e elbasanit E rr kavajes... Tonini eshte koka ktyre te gjithve ! Mire beni qe e nxirrni ne fakt qe tia kujtoni mire te gjitheve atyre qe Ju ka bere gjemen ... Njerez plera.

    Përgjigju
  • AltinTop: 02/04/2022 11:03

    E ka mbulu mafja kete vend.

    Përgjigju
  • Sondazhi i ditës:

    Gërdeci dhe privatizimi i ish-kompleksit Partizani nën hetim, a besoni se SPAK do të bëjë drejtësi?



×

Lajmi i fundit

Zelensky drejtuar rusëve: Putin po ju dërgon të vdisni

Zelensky drejtuar rusëve: Putin po ju dërgon të vdisni