Kryetarja e LSI Monika Kryemadhi ka reaguar sërish mbi arrestimin e ish ministrit Lefter Koka. Sipas saj, Koka është thjesht fundi i një strukture kriminale. Duke pretenduar se është e gjitha një skemë dhe se ish ministri është thjesht fasada për fshehjen e lidhjes së dtrejtpërdrejtë me skemën e të ashtuquajturve grup kriminal Kryemadhi ngre pyetjen, Lefter Koka është kërkuesi, po zbatuesit kush janë?

‘Çështja e inceneratorëve është një cështje që ne cdo ditë më shumë nxjerrim materiale dhe dokumente të tjera të cilat që kanë lidhje të drejtëpërdrejtë më grup të struktruruar kriminal. Dhe jo në mënyrë të paqëllimshme është ndarja e  dosjes së inceneratorëve në mënyrë që nëse bashkohen të të tëra bashkë ajo kthehet në grup të strukturuar kriminal. Zoti Koka është fundi, ka hapur vetëm kapakun e pusetës të ujërave të zeza që është inceneratori. Zoti Lefter Koka është kërkuesi por zbatuesit kush janë. Duke qenë thjesht kërkuesi ai ka marrë haracin e tij nëpërmjet firmave fantazmë të krijuara të lidhura me kompanitë e tjera. E gjithë afera e zotit koka është 1 e 10 e të gjithë asaj çfarë faktikisht është e gjithë skema e inceneratorëve.’, shprehet Kryetarja e LSI-së.