Arrestimi i mësuesit që ngacmoi seksualisht dy nxënëse, mësuesja e shkollës në Tepelenë: Nuk e bën profesor Keli këtë! (Drejtoresha i kërkon të futet brenda)

Njëra prej mësueseve ndihmëse të shkollës 9 vjeçare në Tepelenë ku dyshohet se mësuesi i fizkulturës, Kleanth Laçi ka ngacmuar seksualisht një nxënëse, ka deklaruar se nuk besonte që 59 vjeçari ta ketë bërë diçka të tillë.

“Unë kam 6 vite në këtë shkollë dhe nuk e mendoj se profesori të ketë bërë diçka të tillë. Unë si mësuese për atë profesor nuk e mendoj se e ka bërë diçka të tillë. Edhe mund të jetë e inskenuar. Unë nuk e kam parë gocën që pretendon se është ngacmuar seksualisht.

Unë kam dërgjuar vetëm për një nxënëse të ngacmuar. Por me pak fjalë nuk e besoj që profesor Keli ta ketë bërë një gjë të tillë”- u shpreh mësuesja.

LEXO EDHE:
Spitali i Gjirokastrës fluks pacientësh nga alergjitë e stinës! Mjekja: Mos neglizhoni, kalon në astmë bronikale

Ndërkohë drejtoresha e shkollës nuk pranoi të prononcohej për mediat, duke i kërkuar gazetarit të Report TV që të largohej nga oborri i shkollës. Drejtoresha i kërkonte mësueses që të mos jepte deklaratë për mediat lidhur me rastin.

Lajmi kryesor:

Arrestohet mësuesi i fizkulturës në Tepelenë, akuzohet për ngacmim seksual të 2 nxënëseve! Drejtoresha: S’kishte sjellje të dyshimtë në shkollë

B.V/Shqiptarja.com

TAG:
• Kleanth Laçi
• tepelenë
• Gjirokaster