Arrestimi i mësuesit të fizkulturës nën akuzën se ka ngacmuar seksualisht dy nxënëse, drejtoresha e shkollës: Nuk kemi vënë re sjellje të dyshimtë

Për arrestimin e Kleanth Laçit, mësuesit të fizkulturës në shkollën 9 vjeçare ka folur edhe drejtoresha e kësaj shkolle. Në një prononcim për mediat, ajo tha se për rastin hetohej prej dy ditësh ndërsa shtoi se Kleanth Laçi ishte pezulluar nga puna deri në përfundim të hetimeve duke shtuar se nuk kishin vënë re sjelle të çuditshme nga ana e tij në shkollën 9 vjeçare.

Sa i takon gjendjes psikologjike të dy vajzave të cilat janë ngacmuar seksualisht nga 59 vjeçari, drejtoresha tha se gjendja e tyre psikologjike ishte shumë e mirë.

“Për këtë ngjarje kemi dy ditë që po hetojmë. Ky problem ka shkuar në instancat më të larta. Ministria ka marrë vendim për pezullimin e mësuesit deri në zbardhjen e kësaj ngjarje. Ne kemi shkuar në familjet e dy vajzave, gjendja e tyre psikologjike është shumë e mirë. Absolutisht nuk kemi vërejtur asgjë të dyshimtë përsa i përket sjelljes së tij në ambientet e shkollës.

LEXO EDHE:
Gjirokastër/ Nuk iu bind urdhrit të policisë, arrestohet 37-vjeçari, në automjet kishte 11 emigrantë

Lajmi kryesor:

Arrestohet mësuesi i fizkulturës në Tepelenë, akuzohet për ngacmim seksual të 2 nxënëseve! Drejtoresha: S’kishte sjellje të dyshimtë në shkollë

B.V/Shqiptarja.com

TAG:
• Kleanth Laçi
• tepelenë
• Gjirokaster