Arrestimit i Belerit, DASH reagon për mediat greke: U bëjmë thirrje autoriteteve të zbatojnë ligjin në mënyrë të drejtë dhe të barabartë

Departamenti Amerikan i Shtetit ka reaguar në lidhje me arrestimin e Fredi Belerit, kandidat i Berishës e Metës për bashkinë e Himarës.

Reagimin i DASH është bërë për mediat greke, teksa iu është përgjigjur korespondentëve grekë në Uashington. Në mediat greke thuhet se një përfaqësues i Departamentit të Shtetit të SHBA-së kërkoi të sigurohet vlefshmëria e zgjedhjeve, duke u bërë thirrje të gjitha palëve të respektojnë ligjet dhe rregullat.

Në veçanti, përfaqësuesi i Departamentit të Shtetit tha për mediat greke.

“Ne kemi kërkuar vazhdimisht nga autoritetet dhe partitë politike që të sigurojnë që votuesit të mund të ushtrojnë të drejtën e tyre themelore demokratike për të shprehur vullnetin e tyre përmes zgjedhjeve të lira dhe të ndershme. Është e rëndësishme që të gjithë të respektojnë ligjet dhe rregullat që rregullojnë zgjedhjet, si dhe rregullat ndërkombëtare, duke përfshirë ndalimin e blerjes ose shitjes së votave. U bëjmë thirrje autoriteteve që të zbatojnë të gjitha ligjet dhe rregulloret në mënyrë të drejtë dhe të barabartë. Zyrtarët e ambasadës amerikane po i bashkohen institucioneve të tjera ndërkombëtare për të monitoruar zgjedhjet në të gjithë vendin”.- thuhet në reagimin e DASH.

M.Q./Shqiptarja.com

TAG:
• dash
• greqi