Arrestohet 49-vjeçari në Pogradec, ishte i armatosur! I dënuar edhe më parë për armëmbajtje pa leje

POGRADEC- Një atentat i mundshëm mund të jetë shmangur me arrestimin e 49-vjeçarit, Artur Musollari në Pogradec. Gjatë kontrollit u gjet armë zjarri, fishek, një shkop bejsbolli, sasi parash, një palë dylbi dhe një aparat celular. Të gjitha sendet që posedonte me vetme, evidenton se është shmangur një ngjarje e mundshme kriminale. Megjithatë, polica nuk ka një informacion konkret lidhur me motivin që mund të kishte Artur Musollari.

Si rrjedhojë e ndërhyrjes së policisë, janë sekuestruar arma e zjarrit, municion luftarak, një shkop bejsbolli, sasi parash në valuta të ndryshme, një automjet, një palë dylbi dhe një aparat celular.  

Musollari u kap në lagjen nr. 1, Pogradec, shërbimet e Policisë kanë lokalizuar 49-vjeçarin dhe gjatë kontrollit të ushtruar në çantën e tij, kanë gjetur një armë zjarri tip pistoletë me fishek në fole, gati për qitje, e cila u sekuestrua në cilësinë e provës materiale. Në vijim të veprimeve procedurale, gjatë kontrollit të ushtruar në automjetin dhe në banesën e këtij shtetasi, u gjetën sasi parash në valuta të ndryshme, një shkop bejsbolli, një palë dylbi dhe një aparat celular.  

Për shkak të sekretit hetimor, duke qenë se ngjarja është në hetim, nuk jepen detaje të tjera në lidhje me motivet dhe objektivin e synuar nga i arrestuari.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

G.MO/r.k./Shqiptarja.com

TAG:
• artur musollari
• armembajtje pa leje
• Korce