POP 5

Lajmet më të lexuara të 5 minutave të fundit

Sport

Dhunoi arbitrin dhe u arratis nga dhomat e zhveshjes, arrestohet futbollisti i Mirditës! Komisioni i Disiplinës e përjashton përjetë nga futbolli

Futbollisti Armando Marku, protagonist i ngjarjes së shëmtuar ditën e djeshme në stadium ku dhunoi arbirtin, është vënë në prangat e policisë.

Dhunoi arbitrin dhe u arratis nga dhomat e zhveshjes, arrestohet futbollisti i Mirditës! Komisioni i Disiplinës e përjashton përjetë nga futbolli

CËRRIK- Futbollisti Armando Marku, protagonist i ngjarjes së shëmtuar ditën e djeshme në stadium ku dhunoi arbirtin, është vënë në prangat e policisë. Marku ishte në kërkim, pasi u arratis nga dritarja e dhomave të zhveshjes, pasi pa që policia mbërriti në stadiumin "Nexhip Trungu".

" Specialistët për Hetimin e Krimit në Komisariatin e Policisë Cërrik arrestuan në flagrancë shtetasin A. M., 31 vjeç, banues në Rubik (sportist i një klubi sportiv), pasi në stadiumin "Nexhip Trungu", Cërrik, gjatë zhvillimit të ndeshjes midis dy ekipeve sportive, ka goditur me grushte, për motive të dobëta, arbitrin e ndeshjes, shtetasin K. Q., 25 vjeç, banues në Vlorë", njofton Policia.

Ndërkohë, Marku, me vendim të Komisionit të Disiplinës, është përjashtuar përjetë nga çdo aktivitet futbollistik, pas incidentit.

“Lojtari i KF Mirdita, Armando Marku, për sulm ndaj zyrtarit të ndeshjes, duke shkelur parimet e fair play, në bazë të neneve 11/1/e/f, 31, 38, 48/1/b dhe 55/1 të KDS përjashtohet përgjithmonë nga çdo aktivitet futbollistik”, njofton Komisioni i Disiplinës.

Sherri ndodhi në minutën e 44-t të ndeshjes, teksa futbollisti u ndëshkua me karton të kuq për gjestin antisportiv. Ndeshja ishte e vlefshme për javën e 23-të të Kategorisë së Dytë, Grupi A dhe që luhej në stadiumin e Cërrikut, teksa FSHF ka dënuar dhunën.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • drini: 09/05/2021 20:55

    Bravo, keshtu duhet vepruar per cdo lojtar idjot qe ben veprime te tilla por nuk duhet me e lene me kaq sepse ka dhe pergjegjesi penale qe te gdhenden derrat...

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media irlandeze 'The Irish News': Shqipëria ndër destinacionet më të mira për pushime në 2025

Media irlandeze 'The Irish News': Shqipëria ndër destinacionet më të mira për pushime në 2025

8 Janar, 07:46