Arrestohet në Spanjë i shumëkërkuari nga disa shtete shqiptari Kreshnik Farruku (Bodlla) së bashku me vëllanë e tij dhe një tjetër anëtar të fisit. Ai u prangos në një hotel në Madrid pas disa muajsh hetime dhe ndjekje. Farruku akuzohet në Spanjë dhe Itali për trafik kokaine dhe vjedhje të disa banesave, ndërsa është hetuar edhe për një vrasje. Në momentin që i janë afruar agjentët ai është përpjekur që të shmanget duke u prezantuar me një tjetër emër, por tentativa ka dështuar. Sipas medieve spanjolle ai përdorte 10 emra të ndryshëm duke i shpëtuar drejtësisë. Po sipas medieve ai akuzohet se drejtonte një organizatë kriminale ku në përbërje të saj ishin edhe shqiptarë të tjerë ndërsa vidhnin banesa dhe trafikonin kokainë. Ai u hetua edhe për një vrasje në Spanjë.
Kreshnik Farruku dyshohej për vrasjen e bosit të tij në Spanjë, në vitin 2010, për shkak të pazareve të drogës. Por pas hetimit, prokurorët spanjollë konkluduan se vrasjen e kishte përgatitur Devi Kasmi, i cili mbeti i vrarë në një atentat në janar të 2018-ës në Tiranë. Në maj 2010, Farruku u arrestua së bashku me shtatë anëtarë të tjerë të bandës në Barcelonë me 20 kg kokainë që po përpiqej ta trafikonte në Itali me makinë. Pas prangosjes së tij, ishte vëllai më i vogël, Erniu, që mori udhëheqjen e grupit, por u arrestua dy vjet më vonë në vitin 2012. Në vitin 2014, Kreshnik Farruku u arratis nga burgu ndërkohë që vijoi që të merrej me trafikun e drogës. Por pak ditë më parë, policia spanjolle e arrestoi në hotel së bashku me vëllain e tij dhe një anëtar tjetër të fisit.
Në 2015 Kreshnik Farrukut iu bë një atentat në Shqipëri. Ai ishte në shoqërinë e kunatit të tij, Rinald Budlla, dhe të dy shokëve, kur është qëlluar me armë në zonën e “Don Boskos”, ndërsa u plagos një kalimtare. Pista asokohe lidhej me prishjen e pazareve të drogës në Itali, Spanjë dhe Holandë. Ndërkohë që në vitin 2012 Gjykata e Durrësit vendosi sekuestro preventive për pasuri të cilat arrijnë shifrën totale rreth 1 milion euro në pronësi të Kreshnik Bodlla (Farruku). Sipas Prokurorisë këto pasuri dyshohej se ishin krijuar nga aktivitetet e paligjshme të tij dhe përdoreshin nga dy familjarët e tij, Reshit Farruku (babai) dhe Roland Farruku (vëllai të cilit iu bë një atentat në 2014 në Manëz), banues në Shijak të Durrësit. Nga hetimet rezultoi se Reshit dhe Roland Farruku kishin blerë një pronë me vlerë 920.000 euro në zonën e Gjirit të Lalzit, si edhe kishin një llogari bankare në shumën 6.271.000 lekë që u sekuestruan.
Komente
Duhet të ndërhyj ambasada shqiptare për lërimin e menjëhershëm,,,ky asht shembulli i protestusve të luashit,,nuk ban me mungu ky nga protesta
Përgjigju@Drejtesiapo vjen ...C'fare do te thote "Shqupit"??? Nga kush fshat rezulton se bkeni banuar zoteri?
@shqupisti pa pune, sme rezulton qe Tahiri ka vendim gjykate qofte dhe te shkalles se pare,babalja po,saliaqi e ka afer burgun per shpifje dhe mashtrim.E kujtohuni njeher kur Luli vocer ja hodhi gjykates per skadim afati duke cuar raporte mjeksore per dite.Kur flisni dhe ju vemjet e shqupit.Hidhni molotov ju se ajo ka mbetur,ne qershor do shuheni!Beni gabim e te na dilni para diten e zgjedhjeve te na pengoni te votojme,do hani dru si cecua o kokrat e halabakve te bathores e kamzes.
@ Drejtesia po vjen. Mire e e paske ti po Saimir Tahirii me shoke te tjere ku jane??? Anetare te PS.