Arrestohet TikTok-eri i famshëm shqiptar në Greqi, abuzonte dhe ofendonte live personat me aftësi të kufizuara

Një tik-toker shqiptar është arrestuar nga policia greke. Bëhet fjalë për TikTok-erin “Hayate”, emri i së cilit është Florjan Zani. Ai ka rënë në pranga pas një denoncimi që është bërë ndaj tij se abuzonte dhe ofendonte në lidhjet live në TikTok dhe YouTube personat me aftësi të kufizuara. Ndaj tij rëndojnë akuzat për racizëm ndaj personave me aftësi ndryshe dhe fyerje.

Arrestimi i shqiptarit me origjinë nga Vlora u krye gjatë orëve të pasdites të së martës, 6 shkurt, pasi ndaj Zanit u bënë disa denoncime për racizëm, fyerje dhe ofendime të personave me aftësi ndryshe.

Kanë qenë organizatat në mbrojtje të këtyre personave, të cilat e denoncuan pasi shqiptari në rrjetet sociale TikTok dhe Youtube bënte shpesh video në rrjetet sociale ku fyente dhe tallte personat me aftësi të kufizuara, apo edhe vajza. Madje, disa media greke shkruajnë se ai kryente veprime te turpshme me vajzat që i ftonte për të marrë pjesë në videot e tij live në TikTok dhe YouTube.

Komentet e tij shkaktuan shumë reagime në opinionin publik. Ka qenë urdhër i prokurorisë së Athinës për ta ndaluar direkt dhe ta shoqërojnë në drejtorinë e policisë ku mbahet nën akuza të rënda.

Në banesën të cilën kryhej transmetimi live, pasi u arrestua Florian Zani, u gjetën edhe dy vajza që kishin rënë pre e ofendimeve të tij në videot live në TikTok dhe YouTube.

Në cilësinë e provës materiale u sekuestruan edhe kompjuterë, disa hard disk dhe programe kompjuterike. Zani do të dërgohet në gjykatë për masë sigurie paraditen e sotme, 7 shkurt.

SI.E./Shqiptarja.com

TAG:
• tik tok
• Florjan Zani
• greqi